The news is by your side.

Advertisement

مبینہ آڈیو ، پی ٹی آئی رہنما کا چیئرمین پیمرا سے مریم صفدر کے خلاف کاروائی کا مطالبہ

اسلام آباد : پارلیمانی سیکرٹری عالیہ حمزہ نے چیئرمین پیمرا سے مریم صفدر اور پرویز رشید کے خلاف کاروائی کا مطالبہ کردیا اور کہا مریم نواز کی آڈیو لیک آزاد میڈیا کی غیر جانبداری پر سوال اٹھا رہی ہیں۔

تفصیلات کے مطابق مسلم لیگ ن کی نائب صدر مریم نواز کی مبینہ آڈیو سامنے آنے کے بعد پارلیمانی سیکرٹری عالیہ حمزہ نے چیئرمین پیمرا کو خط لکھا ، جس میں مریم صفدر کے خلاف کاروائی کا مطالبہ کیا ہے۔

عالیہ حمزہ نے کہا ہے کہ میں پہلے بھی دو خطوط لکھ چکی، جن کا جواب موصول نہیں ہوا، پھر مریم صفدر کی پےدر پے آنیوالی آڈیوز سےمتعلق لکھ رہی ہوں، مریم نواز کی آڈیو لیک آزاد میڈیا کی غیر جانبداری پر سوال اٹھا رہی ہیں۔

پارلیمانی سیکرٹری کا کہنا تھا کہ مریم صفدر مبینہ آڈیو میں صحافیوں پر الزامات لگارہی ہیں جبکہ انھوں نے سینئر تجزیہ کاروں سے متعلق نازیبات کلمات کہے۔

خط میں کہا گیا ہے کہ لیک آڈیو میں مریم نوازاور پرویز رشید نے صحافیوں کوبھونکنے والے کتےقرار دیا جبکہ دونوں جیو گروپ کوہدایات دینے پر بات کر رہے ہیں اور حسن نثار،ارشاد بھٹی، مظہرعباس، ستار بابرپر گھٹیا الزامات لگا رہے ہیں۔

عالیہ حمزہ کا کہنا تھا کہ پرویز رشید مریم صفدر کو میر شکیل سے باز پرس کرنے کی درخواست کر رہے ہیں جبکی مریم صفدر کا2باسکٹس نصرت جاوید اور رانا جواد کو بھجوانے کا ذکر ہے۔

چیئرمین پیمراکو خط میں کہا گیا ہے کہ ان لوگوں کا کردار کارکردگی صفر ہے، پیسے کے زورپر صحافت خرید کر حق میں پروگرام کرائےجاتے ہیں، جو حق میں نہیں بولتا اس کوگالیاں دی جاتی ہیں، یہ ہے میڈیا اور صحافیوں کی اوقات ان نابالغ قومی لیڈران کی نظر میں؟

پارلیمانی سیکرٹری کا کہنا تھا کہ ان لوگوں کا مکروہ چہرہ عوام کے سامنے بے نقاب ہورہا ہے، میڈیا کی آزادی ن لیگ مافیاز نے یرغمال بنا رکھی ہے، صحافتی تنظیمیں سوال کریں مجرمہ کیسے آزادی راے پرنقب لگا سکتی ہیں؟ کیامجرمہ مریم صفدر کی جیو نیوز نے ایچ آریاپروگرام کوآرڈینیٹر ہیں؟ عالیہ حمزہ

انھوں نے مزید کہا کہ چند کرپٹ لوگوں کی وجہ سے سارا میڈیا یرغمال بنا ہوا ہے، امید ہےچیئرمین پیمرا مریم صفدر اور پرویز رشید کا اختساب ضرور کریں گے۔

Comments

یہ بھی پڑھیں