اسلام آباد : پی ٹی آئی رہنما فواد چوہدری کی بھی آڈیو سامنے آگئی ، جس میں وہ عطاتارڑ کو سزا دلوانے کی بات کررہے ہیں۔
تفصیلات کے مطابق تحریک انصاف کے رہنما فواد چوہدری اور ان کے بھائی فیصل چوہدری کی آڈیو گفتگو سامنے آگئی۔
مبینہ آڈیو گفتگو میں وہ عطاتارڑ کو سزا دلوانے کی بات کررہے ہیں، گفتگو کے دوران فواد چوہدری نے کہا کہ ان کی ذاتی تجویز یہ ہے کہ تارڑ پر تین چار جگہ استغاثہ کرائیں اوراس پر دوسواٹھائیس لگوا کراسے سزا دلوائیں تاکہ اِن پر پریشر تو آئے۔
تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر آڈیو کو جعلی قرار دیتے ہوئے کہا کہ ایک اور جعلی آڈیو میرے نام سے مارکیٹ میں پھینک دی گئی ہے ، آڈیوکا مجھ سے تعلق نہیں نہ ہی چیف جسٹس لاہورہائیکورٹ سےکبھی ملاقات ہوئی ، اور نہ ہی چیف جسٹس کوانھیں جسٹس مظاہر علی نقوی کی مدد کےلئےکہا۔
ایک اور جعلی آڈیو میرے نام سے مارکیٹ میں پھینک دی گئ ہے اس آڈیو کا میرے سے کوئ تعلق نہیں نہ ہی چیف جسٹس لاہور سے کبھی ملاقات ہوئ نہ ہی انھیں جسٹس مظاہر کی مدد کا کہا
— Ch Fawad Hussain (@fawadchaudhry) March 3, 2023
