The news is by your side.

Advertisement

پی ٹی آئی نے چوہدری نثارکی سیاست ہمیشہ کے لئے دفن کردی: غلام سرور خان

اسلام آباد: پاکستان تحریک انصاف کے رہنما غلام سرور خان نے کہا ہے کہ ہم نے چوہدری نثارکی سیاست ہمیشہ کے لئے دفن کردی.

ان خیالات کا اظہار انھوں نے میڈیا سے گفتگو کرتے ہوئے کیا. غلام سرور خان کا کہنا تھا کہ چوہدری نثارکا پی ٹی آئی میں ہمیشہ کے لیے داخلہ بند ہے. سابق وزیر داخلہ کی تحریک انصاف میں کوئی جگہ نہیں، جو نواز شریف کا نہیں، وہ کسی کا نہیں ہوسکتا۔

انھوں نے کہا کہ چوہدری نثار کی سیاست بدنیتی اورمنافقت پر مبنی ہے، وہ نوازشریف کی کابینہ کےکرپٹ ترین وزیر تھے، انھیں الیکشن میں ایک بار پھر شکست دینے کی خواہش ہے.

غلام سرور خان کا کہنا تھا کہ مرکزمیں حکومت بنانامشکل نہیں، پنجاب میں بھی بنالیں گے، خوشی ہوگی کہ اپنی چھوڑی سیٹ پردوبارہ چوہدری نثارکو ہراؤں.

یاد رہے کہ چوہدری سرور نے قومی اسمبلی کے حلقوں این اے-59 راولپنڈی اور این اے-63 راولپنڈی سے انتخابات جیتے ہیں، البتہ اب انھیں‌ ایک نشست چھوڑنی ہوگی.

الیکشن 2018 کے نتیجے میں پی ٹی آئی سب سے بڑی جماعت بن کر سامنے آئی ہے، تحریکِ انصاف نے ملک کی بڑی جماعتوں مسلم لیگ ن اور پیپلز پارٹی کو وفاق میں بڑی شکست دی ہے۔


انتخابات 2018: کس پارٹی نے کتنے ووٹ حاصل کیے


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں