کراچی: پاکستان تحریک انصاف کے رہنما جمال صدیقی کا کہنا ہے کہ اقتدار سے باہر مولانا فصل الرحمان کا دم گھٹ رہا ہے، مذاکرات سے ہی سیاسی جماعتیں اپنے تحفظات دور کرسکتی ہیں۔
تفصیلات کے مطابق پی ٹی آئی کے رکن سندھ اسمبلی جمال صدیقی نے کہا کہ اقتدار سے باہر مولانا فصل الرحمان کا دم گھٹ رہا ہے، مولانا مسئلہ کشمیر کو اجاگر کرنے کی کوششوں سے توجہ ہٹانا چاہتے ہیں۔
پاکستان تحریک انصاف کے رہنما نے مزید کہا کہ مذاکرات سے ہی سیاسی جماعتیں اپنے تحفظات دور کرسکتی ہیں۔
فضل الرحمان امن کے چراغ کیوں بجھانا چاہتے ہیں؟ فردوس عاشق اعوان
اس سے قبل فردوس عاشق اعوان کا کہنا تھا کہ امن کے لیے قوم نے بہت بھاری قیمت دی ہے، ہزاروں جانوں کی قربانی سے ملک میں امن کے دیے روشن ہوئے۔
معاون خصوصی برائے اطلاعات ونشریات نے کہا کہ فضل الرحمان امن کے چراغ کیوں بجھانا چاہتے ہیں؟۔
فردوس عاشق اعوان کا کہنا تھا کہ جمہوریت میں مذاکرات ہی غلط فہمیوں کے خاتمے کا راستہ ہیں، مذاکرات اتفاق رائے پیدا کرنے کا واحد راستہ ہیں، بات چیت سے ہی مسائل کا حل نکلتا ہے۔
معاون خصوصی برائے اطلاعات کا کہنا تھا کہ فضل الرحمان اپنی انا، ضد اور ذات کے خول سے باہرنکلیں، ملک کو درپیش چیلنجز کے تناظرمیں اتحاد ویکجہتی وقت کی ضرورت ہے،
اے آر وائی نیوز کی ڈیجیٹل ڈیسک کی جانب سے شائع کی گئی خبریں