اسلام آباد : پی ٹی آئی اور عمران خان کے دست راست سلمان احمد کا 9 مئی کےواقعات کی مذمت کا اعلان کرتے ہوئے کہا جو لوگ اس میں ملوث ہیں انہیں قانون کے مطابق سزا دی جائے۔
تفصیلات کے مطابق پی ٹی آئی اور عمران خان کے دست راست سلمان احمد نے بھی 9 مئی کے ہونے والے واقعات کی مذمت کردی۔
سلمان احمد نے اپنے بیان میں کہا 9مئی کے واقعات نے میرا بہت دل دکھایا ہے، جو لوگ اس میں ملوث ہیں انہیں قانون کے مطابق سزا دی جائے، کسی کو بھی کبھی بھی پاکستان کو نقصان نہیں پہنچانا چاہیے۔
خیال رہے پاکستان تحریک انصاف کے کئی رہنما جن میں شیریں مزاری، فواد چوہدری، ملک اسلم امین، بلال غفار اور پی ٹی آئی کے دیگر رہنما اور ٹکٹ ہولڈرز 9 مئی کے تشدد کی مذمت کے بعد پارٹی چھوڑ چکے ہیں۔
گذشتہ روز سینئر نائب صدر فواد چوہدری نے اعلان کیا تھا کہ وہ پارٹی عہدے سے مستعفی ہو رہے ہیں اور چیئرمین عمران خان سے علیحدگی اختیار کر رہے ہیں۔
