عابد شیر علی کے حملے کا خدشہ ہے، شاہ محمود کا اسپیکر کو خط shah mehmood
The news is by your side.

Advertisement

عابد شیر علی کے حملے کا خدشہ ہے، شاہ محمود کا اسپیکر کو خط

اسلام آباد: پاکستان تحریک انصاف نے قومی اسمبلی کے اسپیکر ایاز صادق کو خط لکھ دیا جس میں کہا گیا ہے کہ اجلاس میں عابد شیر علی کی جانب سے مجھ پر اور عمران خان پر حملے کا خدشہ ہے، عابد شیر کی دھمکیوں کا نوٹس لیا جائے۔

اے آر وائی نیوز کے نمائندہ اسلام آباد عبدالقادر نے بتایا کہ کچھ دن قبل ن لیگ کے رہنما عابد شیر علی نے ٹوئٹر پر یہ پیغام پوسٹ کیا تھا کہ شاہ محمود قریشی اور عمران خان قومی اسمبلی کے اجلاس میرے ریڈار پر ہوں گے۔

رپورٹر کے مطابق اس جملے پر رد عمل ظاہر کرتے ہوئے تحریک انصاف کے قومی اسمبلی میں پارلیمانی لیڈر شاہ محمود قریشی نے اسپیکر کو خط لکھا ہے اور اس میں اسی ٹوئٹ کا حوالہ دیتے ہوئے کہا ہے کہ عابد شیر علی کی جانب سے مجھ پر اور پارٹی لیڈر عمران خان پر جسمانی حملے کا خدشہ ہے۔


خط میں شاہ محمود قریشی نے مزید کہا ہے کہ پارلیمانی رہنماؤں کے اجلاس میں متفقہ طور پر ضابطہ اخلاق طے کیا گیا تھا تاہم عابد شیر علی اس پر عمل درآمد کرتے نظر نہیں آرہے اس لیے اسپیکر اس معاملے کا فوری نوٹس لیتے ہوئے عابد شیر علی سے پوچھ گچھ کریں۔

 

Comments

comments

یہ بھی پڑھیں