لاہور: پی ٹی آئی کے نائب چیئرمین شاہ محمود قریشی نے کہا ہے کہ اسلام آباد ہائیکورٹ نے راجا ظفر الحق رپورٹ سے متعلق بہت اہم فیصلہ کیا ہے.
شاہ محمودقریشی نے کہا کہ ختم نبوتﷺ پر ظفر الحق کی رپورٹ پبلک نہیں کی جارہی تھی، پی ٹی آئی نےرپورٹ کوشائع کرنےکامطالبہ کیا تھا، عدالت نے آج فیصلہ سنا دیا اور رپورٹ شائع کرنے کا حکم دے دیا ہے، یقین ہے، عاشقان رسولﷺکی دل آزاری کی نشان دہی ہو جائے گی.
شاہ محمودقریشی نے کہا کہ ایون فیلڈ ریفرنس 9 ماہ سنا گیا، اب جمعے کو فیصلہ سنایا جائے گا، امید ہے فیصلہ انصاف وقانون کے مطابق ہوگا، ایون فیلڈریفرنس پر فیصلےسےملک میں احتساب آگے بڑھے گا.
انھوں نے کہا کہ ہم نظریاتی لوگ ہیں، سوداگر نہیں، نظریے کا سودا نہیں کریں گے، 20 تاریخ کوعمران خان ملتان تشریف لائیں گے.
شاہ محمود قریشی کا کہنا تھا کہ ایسا طبقہ حکمرانی کرتا ہے، جن کا ذریعہ معاش ہی سیاست ہے، پٹرول بم کے بعد بجلی کا ٹیرف بھی بڑھ ادیا گیا ہے، بجلی کاٹیرف بڑھانےسے ن لیگ کے دعوؤں کی قلعی کھل گی.
ٹکٹوں کی واپسی سے ن لیگ کا زوال شروع ہوگیا ہے: شاہ محمود قریشی
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں