پی ٹی آئی رہنما عثمان ڈار نے پی پی چیئرمین بلاول بھٹو اور مسلم لیگ ن کی نائب صدر مریم نواز کو مہنگائی کے خلاف مارچ میں شرکت کی دعوت دیدی۔
پاکستان تحریک انصاف کے مرکزی رہنما عثمان ڈار نے سماجی رابطوں کی ویب سائٹ ٹوئٹر پر ٹوئٹ کیا ہے جس میں انہوں نے کہا ہے کہ سابق وزیراعظم اور پی ٹی آئی چیئرمین عمران خان موجودہ مہنگائی، پٹرول، ڈیزل، بجلی قیمتوں میں اضافے کے خلاف مارچ کرنے لگے ہیں۔
انہوں نے بلاول بھٹو زرداری اور مریم نواز مذکورہ مارچ میں دعوت دینے کا انداز اپناتے ہوئے اپنے ٹوئٹ میں آگے طنزیہ انداز اختیار کرتے ہوئے لکھا ہے کہ امید ہے کہ مریم نواز اور بلاول کانپیں ٹانگیں مارچ کا حصہ ہونگے۔
واضح رہے کہ عمران دور حکومت میں جب پٹرول 150 روپے لیٹر تھا اس وقت بلاول بھٹو زرداری نے کراچی سے اسلام آباد تک مہنگائی مارچ کیا تھا جب کہ مسلم لیگ ن کی نائب صدر مریم نواز نے بھی مہنگائی کے خلاف مارچ کیا تھا۔
دوسری جانب چند روز میں شہباز حکومت عوام پر تین بار پٹرول بم گراچکی ہے جس کے بعد آج ملک میں پٹرول کی قیمت 233 روپے سے زائد اور ڈیزل کی قیمت 263 روپے سے زائد ہوچکی ہے، موجودہ حکومت نے 15 دن میں پٹرول اور ڈیزل کی قیمت میں بالترتیب 84 روپے اور 115 روپے کا اضافہ کیا ہے۔
عمران خان موجودہ پیٹرول، ڈیزل، بجلی اور مہنگائی کے خلاف مارچ کرنے لگا ہے امید کرتا ہوں مریم نواز جھوٹی اور بلاول زرداری کانپیں ٹانگیں امپورٹڈ حکومت کیخلاف اس مارچ کا حصہ ہونگے۔😜😜 pic.twitter.com/Kp05btROpl
— Usman Dar (@UdarOfficial) June 16, 2022
پٹرولیم مصنوعات کی قیمتوں میں اضافے کے باعث ملک میں مہنگائی کا ایک طوفان آچکا ہے۔