اسلام آباد: کے پی بلدیاتی الیکشن کے پہلے مرحلے میں غیر متوقع شکست نے پی ٹی آئی ارکان کو شش وپنج میں مبتلا کردیا ہے، شکست کی وجوہات جاننے کے لئے رہنماؤں نے وزیراعظم سے اہم مطالبہ کردیا ہے۔
ذرائع کا کہنا ہے کہ پی ٹی آئی ارکان نے کے پی بلدیاتی انتخابات میں غیر متوقع ہار کی انکوائری کرنے کا مطالبہ کیا ہے، اس سلسلے میں کئی پارٹی رہنماؤں نے چیئرمین پاکستان تحریک انصاف کو آزادانہ انکوائری کی سفارش کی ہے۔
ذرائع کا کہنا ہے کہ انکوائری ٹیم کا فیصلہ وزیراعظم عمران خان کریں گے، انکوائری رپورٹ کی روشنی میں دوسرے مرحلےکےانتخابات میں فیصلے ہوں گے۔
سینئررہنما پی ٹی آئی کا اصرار ہے کہ انکوائری کے بعد ذمہ داروں کےخلاف کارروائی ہونی چاہیے۔
Comments
- Advertisement -
