The news is by your side.

Advertisement

پارٹی چھوڑنے کی خبروں پر پی ٹی آئی رہنماؤں کا ردعمل آگیا

پی ٹی آئی کے اراکین قومی اسمبلی غلام بی بی بھروانہ، ریاض فتیانہ اور خرم شہزاد کا ردعمل آگیا، تینوں رہنماؤں نے خبروں کو بے بنیاد قرار دیا ہے۔

سیاسی حلقوں اور بعض میڈیا چینلز پر پی ٹی آئی کے اراکین قومی اسمبلی غلام بی بی بھروانہ، ریاض فتیانہ اور خرم شہزاد کے پارٹی چھوڑنے کی خبریں گرم ہیں جس پر دونوں رہنماؤں نے اپنے ردعمل کا اظہار کردیا ہے۔

ایم اے این غلام بی بی بھروانہ کا کہنا ہے کہ قیاس آرائی پر مبنی ذرائع کے سے منسوب خبر بے بنیاد ہے۔

غلام بی بی بھروانہ نے پارٹی چھوڑنے کی خبر کی پرزور تردید کرتے ہوئے کہا کہ جس پارٹی سے الیکشن لڑا اس کے ساتھ ہوں اور حلقے میں ہی موجود ہوں۔

ایم این اے ریاض فتیانہ نے پی ٹی آئی چھوڑ کر مسلم لیگ ن میں شمولیت کی تردید کردی اور خبر پور پروپیگنڈا قرار دیدیا۔

ریاض فتیانہ نے ان خبروں کو شغل میلہ قرار دیتے ہوئے کہا کہ کوئی کہیں نہیں جارہا، موجودہ حکومت اپنی آئینی مدت پوری کریگی۔

ادھر پی ٹی آئی کے ایک اور ایم این اے خرم شہزاد نے بھی پارٹی چھوڑنے کی خبروں کو جھوٹ پر مبنی قرار دیدیا ہے۔

خرم شہزاد کا کہنا تھا کہ کہ سیاست کا آغاز پی ٹی آئی سے کیا تھا اور میرے لیڈر عمران خان ہی ہیں۔

خرم شہزاد نے واضح کیا کہ میں اور میرا خاندان آخری دم تک عمران خان کے ساتھ ہے اور اگر اپوزیشن عدم اعتماد لے کر آئی تو میں ہر صورت عمران خان کا ہی ساتھ دونگا۔

Comments

یہ بھی پڑھیں