The news is by your side.

Advertisement

سینے پر گولیاں کھانے کے لیے تیار ہیں، عارف علوی و عمران اسماعیل

کراچی میں سیکورٹی رسک ہونہ ہوعمران خان ضرورآئیں گے

کراچی: پاکستان تحریک انصاف کے کراچی کے رہنماؤں نے کہا ہے کہ ہم اپنے سینوں پر گولیاں کھا لیں گے لیکن نہتے رہیں گے۔

جلسے کے مقام پر قائم کیمپ سے خطاب کرتے ہوئے عارف علوی نے کہا کہ عمران خان شہر کو پر امن بنائیں گے، جب کہ عمران اسماعیل کا کہنا تھا کہ کراچی میں سیکورٹی رسک ہونہ ہوعمران خان ضرورآئیں گے۔

عارف علوی


تحریک انصاف کے مقامی رہنما ڈاکٹر عارف علوی نے کہا کہ کراچی میں دہشت پھیلائی جاتی ہے لیکن کراچی کو پرامن رہنا چاہیے، ہم کراچی کے حقوق سے پیچھے نہیں ہٹیں گے۔

ان کا کہنا تھا کہ لاہور میں عمران خان نے 11 نکات پیش کیے، یہ نکات کراچی کی امیدوں پر بھی پورا اتریں گے، کراچی کی رونق ہمارے جلسے کے بعد مزید بڑھ جائے گی۔

عارف علوی نے کہا کہ پیپلزپارٹی کا کراچی کےامن سے کوئی تعلق نہیں، ایم کیو ایم اور پیپلز پارٹی آپس میں پیسے بانٹا کرتے تھے، کراچی والوں کو پیغام ہے کہ آؤ اور اپنے لیڈرکی آواز سنو۔

عمران اسماعیل


تحریک انصاف کے رہنما عمران اسماعیل کا کہنا تھا کہ 12 مئی کو امن کا دن منائیں گے، اس جلسے میں خیبر پختونخوا کابینہ بھی شرکت کرے گی لیکن عمران خان کی خواہش ہے کہ اسٹیج پرکراچی کی قیادت موجود ہو۔

کراچی، پی ٹی آئی اور پی پی کارکنان میں تصادم، تین گاڑیاں نذرآتش، پتھراؤ

ان کا کہنا تھا کہ اسٹیج پرتمام لوگ نہیں آسکتے اور عمران خان کونیچے نہیں لایا جاسکتا اس لیے ہم ایک نئے قسم کا اسٹیج متعارف کرا رہے ہیں جس کے بعد دور والے بھی عمران خان کو دیکھ سکیں گے۔

عمران اسماعیل نے کہا کہ اسٹیج 60 فٹ اونچا اور 200 فٹ چوڑا ہوگا، جلسے میں میوزیکل پروگرام اور آتش بازی کا بھی اہتمام کیا گیا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں