site
stats
پاکستان

پی ٹی آئی نے پاناما لیکس پر عوامی رابطہ مہم میں تیزی لانے کا فیصلہ

اسلام آباد : پی ٹی آئی نے پاناما لیکس پر عوامی رابطہ مہم میں تیزی لانے کا فیصلہ کرلیا ہے، ریجنل صدور کو خصوصی ٹاسک سونپ دیا گیا، جہانگیر ترین کا کہنا ہے کہ وزیر اعظم کو احتساب سے فرار کا کوئی رستہ نہیں دیں گے۔

تفصیلات کے مطابق پاناما ہنگامے پر تحریک انصاف کی پولیٹیکل اسٹریٹجی کمیٹی کا اہم ترین اجلاس ہوا، جس میں پاناما لیکس پر عوامی رابطہ مہم میں تیزی لانے کا فیصلہ کیا گیا۔

پی ٹی آئی رہنما جہانگیر ترین نے کہا کہ پاکستان تحریک انصاف کے چیئرمین عمران خان کا پیغام ملک کے کوچے کوچے میں پھیلانا ہے، حکمران پوری حکومتی مشینری اور وسائل استعمال کرکے پانامہ ایشو دبانا چاہتی ہے، وزیر اعظم نے جواب دینے کی بجائے قوم کے قیمتی آٹھ ماہ ضائع کر دیئے۔

انھوں نے کہا کہ لوٹی گئی دولت بچانے کیلئے وزیر اعظم نے پارلیمان میں کھلے عام جھوٹ بولا۔ عدالت میں بھی جواب دینے کے بجائے فرار کے راستے تلاش کئے، قوم پانامہ کی حقیقت جان چکی ہے۔

جہانگیر ترین نے کہا کہ ملک کے کوچے کوچے میں عوام کو متحرک کریں گے، وزیراعظم کو احتساب سے فرار کا کوئی رستہ نہیں دیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top