The news is by your side.

Advertisement

وزیر اعظم خود منصب چھوڑیں یا سزا کے بعد فیصلہ انہیں کرناہے،عمران خان

اسلام آباد : پاکستان تحریک انصاف کے سربراہ کا کہنا ہے کہ وزیراعظم خود منصب چھوڑیں یا سزا کے بعد فیصلہ انہیں کرنا ہے۔

تفصیلات کے مطابق پاناماکیس کا فیصلہ محفوظ ہونے کے بعد پاکستان تحریک انصاف نے بھی آئندہ کی حکمت عملی طے کرلی،بنی گالہ میں پی ٹی آئی چیئرمین عمران خان کی زیر صدارت اجلاس ہوا ، اجلاس میں پانامہ لیکس کیس کی تکمیل کے مختلف پہلووٴں پر تبادلہ خیال کیا گیا اور سیاسی صورتحال کا جائزہ لیا جبکہ آئندہ کی حکمت عملی پر غور کیا۔

اجلاس میں شیخ رشید بھی خصوصی طور پر شریک ہوئے۔

پی ٹی آئی اجلاس کے جاری اعلامیے میں کہا گیا ہے کہ نوازشریف کے پاس جانے کے سوا کوئی راستہ نہیں بچا، وہ کرسی پہلے چھوڑیں یا سزا کے بعد فیصلہ وزیراعظم نے خود کرنا ہے۔

اجلاس میں وزیر اعظم دھمکی آمیز بیانات اور سپریم کورٹ کیخلاف ممکنہ حکومتی شرانگیزی کے امکان کا جائزہ لیا گیا جبکہ وزیراعظم کے رویے اور اسکے ملکی سیاست پر اثرات ریاستی اداروں کیخلاف حکومتی حملوں کیخلاف متبادل حکمت عملی اپنانے پر بھی تفصیلی بات چیت ہوئی۔

پی ٹی آئی اعلامیے میں والیم10پبلک کرنے کا مطالبہ کرتے ہوئے کہا کہ سیاسی و پارلیمانی بحران کھڑا کرنے کی کوشش کامیاب نہیں ہوگی ۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں