The news is by your side.

Advertisement

میاں صاحب کی باتوں کو سنجیدہ نہیں لینا چاہیے: میاں محمود الرشید

لاہور: پاکستان تحریک انصاف کے مرکزی رہنما میاں محمود الرشید نے کہا ہے کہ میاں صاحب کی باتوں کو سنجیدہ نہیں لینا چاہیے، نواز شریف کے بیانیے سے قوم کے سر شرم سے جھک گئے ہیں۔

ان خیالات کا اظہار انہوں نے اے آر وائی نیوز کے پروگرام ’الیونتھ آور‘ میں انٹرویو دیتے ہوئے کیا، محمود الرشید کا کہنا تھا کہ پاناما کیس منطقی انجام کو پہنچ رہا ہے اس لیے اب یہ کمیشن کی باتیں کررہے ہیں، انہیں ایسی باتیں نہیں کرنی چاہیے۔

رہنما پی ٹی آئی کا کہنا تھا کہ میاں صاحب کے کیس کا فیصلہ 8 جون سے پہلے آ جائے گا، ن لیگ اور پیپلزپارٹی نے مل کر  5، 5 سال پورے کیے، انہوں نے ملک کا پیسہ لوٹ کر باہر اپنی جائیدادیں بنائی ہیں۔


پنجاب سے جوق در جوق لوگ پی ٹی آئی میں شامل ہورہے ہیں: محمود الرشید


محمود الرشید کا مزید کہنا تھا کہ الیکشن وقت پر ہونے چاہئیں اس کے علاوہ کوئی آپشن نہیں ہے، حلقہ بندیوں جیسے معاملات الیکشن کے بعد بھی چل سکتے ہیں، عام انتخابات میں سب کچھ واضح ہوجائے گا۔

خیال رہے کہ گذشتہ دنوں انہوں نے اے آر وائی نیوز کے پروگرام الیونتھ آور میں ہی انٹرویو دیتے ہوئے محمود الرشید نے کہا تھا کہ پی ٹی آٗی  کے پی میں کلین سوئپ کرکے تاریخ رقم کرے گی، ن لیگ، ایم ایم اے، پی پی مل جائے تو بھی پی ٹی آئی کا مقابلہ نہیں کرسکتیں، ن لیگ اور پیپلزپارٹی کی حکومتیں ناکام رہی ہیں، انہوں نے ملک کا پیسہ لوٹا ہے۔


شہباز شریف کا انجام نواز شریف سے زیادہ بدتر ہوگا، میاں محمود الرشید


انہوں نے یہ بھی کہا تھا کہ کے پی حکومت کا موازنہ سندھ اور پنجاب کی حکومتیں سے کرسکتے ہیں، اس سے اندازہ ہوجائے گا کہ کس صوبے میں سب سے زیادہ کام ہوا، دیگر صوبوں کے حکمرانوں نے عوام پر توجہ دینے کے بجائے ملک کو لوٹا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں