سینئر صوبائی وزیر علیم خان نے سرکاری گاڑی لینے سے انکار کر دیا -
The news is by your side.

Advertisement

سینئر صوبائی وزیر علیم خان نے سرکاری گاڑی لینے سے انکار کر دیا

لاہور: سرکاری خزانے کی بچت کے لیے تحریکِ انصاف کے سینئر صوبائی وزیر علیم خان نے فیصلہ کیا ہے کہ وہ سرکاری گاڑی استعمال نہیں کریں گے۔

تفصیلات کے مطابق وزیرِ بلدیات علیم خان نے آج پنجاب کابینہ کے ساتھ حلف اٹھایا، حلف اٹھانے کے بعد انھوں نے ملکی خزانے کی بچت کی خاطر سرکاری گاڑی لینے سے انکار کر دیا۔

سینئر وزیر علیم خان نے میڈیا سے گفتگو کرتے ہوئے کہا ’سرکاری کاموں کے لیے بھی میں ذاتی گاڑی استعمال کروں گا، ہم حکومتی وسائل خرچ نہیں کریں گے۔‘

علیم خان کا کہنا تھا کہ انھیں بہ طور وزیر جتنی تنخواہ ملتی ہے وہ ہر ماہ عمران خان کے قائم کردہ شوکت خانم اسپتال کو عطیہ کریں گے۔

انھوں نے مزید کہا کہ مہمانوں کی خاطر تواضع اور دیگر اخراجات بھی خود برداشت کریں گے، وزیرِ اعظم کی کفایت شعاری مہم میں وزرا کی جانب سے بھرپور ساتھ دیا جائے گا۔


یہ بھی پڑھیں:  پنجاب اور بلوچستان کابینہ نے حلف اٹھا لیا


واضح رہے کہ وزارتِ عظمیٰ سنبھالنے کے ساتھ ہی وزیرِ اعظم عمران خان نے سادگی اختیار کرنا شروع کر دی ہے، اور اپنے وزرا کو بھی تاکید کی ہے کہ وہ سادگی اختیار کرکے قوم کے لیے مثال بنیں۔

وزیرِ اعظم کے اعلان کے بعد تحریکِ انصاف سے تعلق رکھنے والے متعدد وزرا نے اپنے محکموں میں سادگی اختیار کرنے اور اخراجات کم کرنے کے لیے اقدامات کرنا شروع کر دیے ہیں۔

Comments

comments

یہ بھی پڑھیں