The news is by your side.

Advertisement

لیاری سے تحریک انصاف کے رکن اسمبلی پھر حکومت سے ناراض

کراچی کے حلقہ این اے 246 لیاری سے منتخب تحریک انصاف کے رکن قومی اسمبلی شکورشاد ‏پھر وفاقی حکومت سے ناراض ہوگئے۔

شکورشاد نے بجٹ میں لیاری کو نظرانداز کرنے پر اجلاس میں شرکت نہ کرنےکا فیصلہ کیا ہے۔ ‏شکورشاد کا کہنا ہے کہ وفاق کی مسلسل نظراندازی پر دلبرداشتہ ہو کر گھر بیٹھ گیا ہوں۔ ‏

انہوں نے کہا کہ لیاری سے بلاول کوشکست دینےوالے کو وفاقی وزیر ہونا چاہیے تھا جمعہ کےدن ‏وزیراعظم عمران خان سے ملاقات ہوئی تھی لیکن وزیراعظم کی طرف سےلیاری کےمنصوبوں کو ‏اہمیت نہیں دی گئی۔

اس سے قبل بھی شکورشاد ترقیاتی فنڈز اور لیاری کے مسائل حل نہ ہونے کا متعدد بار شکوہ کر ‏چکے ہیں اور انہوں نے پارٹی و پارلیمانی اجلاسوں میں بھی نظرانداز کیے جانے پر ناراضی کا اظہار ‏کیا۔

گزشتہ روز سوشل میڈیا پر جاری پریس ریلیز میں شکور شاد نے وزیر اعظم عمران خان سے اپنے ‏حلقہ این اے 246 کو جاری فنڈذ کی تحقیقات نیب سے کروانے اور فرانسک بنیادوں پر چیک ‏کرانے کی درخواست کی۔

انہوں نے کہا کہ اگر مجھ پر کوئی کرپشن ثابت ہو تو مجھے سرعام ڈی چوک یا چیل چوک پر ‏ریاستی فائرنگ اسکواڈ سے شوٹ کردیا جائے۔

Comments

یہ بھی پڑھیں