The news is by your side.

Advertisement

جہانگیر ترین کی حمایت میں پی ٹی آئی ارکان اسمبلی کھل کر سامنے آگئے

لاہور : جہانگیرترین کی حمایت میں تحریک انصاف کے ایم این ایز اور ایم پی ایز کھل کر سامنے آگئے، جن میں غلام بی بی بھروانہ،غلام محمد لالی، راجہ ریاض ، نعمان لنگڑیال، زوار وڑائچ، نذیر بلوچ شامل ہیں۔

تفصیلات کے مطابق بینکنگ کورٹ میں پیشی کے موقع تحریک انصاف کے اراکین اسمبلی جہانگیر ترین سے اظہار یکجہتی کیلئے پہنچے ، اراکین اسمبلی غلام بی بی بھروانہ،غلام محمد لالی، راجہ ریاض اور ارکان پنجاب اسمبلی میں نعمان لنگڑیال، زوار وڑائچ، نذیر بلوچ، اسلم بھروانہ، عبدالحئی دستی،سلمان نعیم،لالہ طاہررندھاوااور خرم لغاری شامل تھے۔

عدالت کے باہر کارکنان نے جہانگیر ترین کے حق میں نعرے بازی اور گل پاشی کی ، جہانگیر ترین کی پیشی سے پہلے ان کی رہائشگاہ پراراکین اسمبلی اوررہنماؤں کی بیٹھک بھی ہوئی۔

جس میں ارکان قومی و صوبائی اسمبلی نے جہانگیر ترین پر مکمل اعتماد کا اظہار کیا ، اُن کا کہنا تھا کہ جہانگیر ترین پارٹی کا اثاثہ ہیں ، جنہوں نے مشکل ترین وقت میں پارٹی کی تنظیم نو اور اس متحرک کرنے کے لیے اپنا فعال کردار ادا کیا۔

ارکان سے خطاب کرتے ہوئے جہانگیر ترین نے کہا کہ وہ عمران خان کے دوست تھے اور ہیں ، مگر چند عناصر انہیں دیوار کے ساتھ لگانا چاہتے ہیں ، شوگر اسکینڈل میں بغیر معاملات کو دیکھے اور سمجھے ان کی بدترین کردار کشی کی گئی۔

پیشی کے موقع پر پی ٹی آئی کے رکن قومی اسمبلی راجا ریاض  نے میڈیا سے گفتگو میں کہا کہ عمران خان کو اعتماد کا ووٹ دلانے میں سب سے بڑا کردار جہانگیر ترین کا ہے، وہ مثبت کردار ادا نہ کرتے تو شاید وزیر اعظم اعتماد کا ووٹ نہ لے پاتے۔

پی ٹی آئی کے رکن قومی اسمبلی  کا کہنا تھا کہ جہانگیر ترین نے پنجاب اور وفاق کی حکومتیں بنائیں، عمران خان کے اردگرد جو لوگ جہانگیر ترین کے خلاف سازشیں کررہے ہیں ،  وزیر اعظم ان کے خلاف ایکشن لیں۔

بینکنگ کورٹ میں جہانگیرترین ،علی ترین،عامروارث اوررانانسیم کی عبوری ضمانت کی سماعت ہوئی ، جج کی رخصت کےباعث جہانگیر ترین کی عبوری ضمانت میں10 اپریل تک توسیع کر دی گئی۔

Comments

یہ بھی پڑھیں