The news is by your side.

Advertisement

ہمسایہ ممالک سےدوستانہ تعلقات،پی ٹی آئی اکاؤنٹ سے چینی زبان میں ٹوئٹ

اسلام آباد : ہمسایہ ممالک سے دوستانہ تعلقات کی پالیسی کے تحت پاکستان تحریک انصاف کے ٹوئٹراکاؤنٹ سے چینی اورافغانستان کی مقامی زبان میں ٹوئٹ کئے گئے، جس میں کہا گیا کہ  چین سے تعلقات مزید مضبوط کریں گے۔

تفصیلات کے مطابق انتخابات میں کامیابی اورعمران خان کی خارجہ پالیسی سے متعلق اہم تقریر کے بعد پاکستان میں چینی سفارتخانے کی جانب سے کئے گئے ٹوئٹ کا جواب پی ٹی آئی نے چینی زبان میں ٹوئٹ کرکے دیا۔

پاکستان تحریک انصاف کا سماجی رابطے کی ویب سائٹ ٹوئٹر پر اپنے جواب میں کہا کہ چین کے ساتھ تعلقات مزید مضبوط کریں گے، سی پیک منصوبے کی کامیابی کے لئے مل جل کرکام کریں گے ، اپنی ٹیموں کوچین بھیجیں گے اور غربت میں میں خاتمے کے لئے چین کے اقدامات سے سیکھیں گے

ہمسایہ ملک افغانستان کی جانب سے کئے گئے ٹوئٹ کا جواب بھی مقامی زبان میں ٹوئٹ کیا گیا ہے۔

افغانستان سے متعلق مقامی زبان میں ٹوئٹ میں کہا گیا کہ افغانستان اور پاکستان کے عوام افغانستان میں امن چاہتے ہیں، افغانستان میں قیام امن کے لئے ہرممکن قدم اٹھائیں گے، افغانستان میں امن کے قیام کے بعد اوپن بارڈر سسٹم چاہتے ہیں۔

یاد رہے کہ عمران خان نے اپنی تقریر میں خارجہ پالیسی پر روشنی ڈالتے ہوئے کہا تھا کہ چین کےساتھ تعلقات کومزید فروغ دیں گے، سی پیک کواستعمال کرکےمزیدسرمایہ کاری پاکستان میں لائیں گے، چین نے70کروڑلوگوں کوغربت سےنکالا، کرپشن کےخلاف ٹھوس اقدامات کیے، چین کے تجربے سےمدد حاصل کریں گے۔

افغانستان کے حوالے سے ان کا کہنا تھا کہ ہم پاکستان اور افغانستان میں امن کاخواہاں ہیں، افغانستان میں امن پاکستان میں امن ہے، چاہتاہوں، افغانستان کےساتھ اوپن بارڈرہو۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

Comments

comments

یہ بھی پڑھیں