لاہور: ملک بھر میں پاکستان تحریک انصاف کی تمام تنظیمیں تحلیل کر دی گئی ہیں، تمام سطحات پر قائم تنظیموں کو تحلیل کرنے سے متعلق نوٹیفکیشن بھی جاری کر دیا گیا۔
نمائندہ اے آر وائی نیوز عبدالقادر کے مطابق پاکستان تحریک انصاف نے ملک بھر تمام سطح پر قائم ہونے والی تنظیموں کو تحلیل کرنے کا نوٹی فکیشن جاری کردیا۔
پاکستان تحریک انصاف کے سیکریٹری جنرل ارشد داد خان کی جانب سے جاری نوٹیفکیشن میں بتایا گیا ہے کہ ملک بھر میں پاکستان تحریک انصاف کی تمام تنظیموں اور شعبہ جات کو تحلیل کردیا گیا۔
نوٹی فکیشن کے مطابق حکم نامےکااطلاق سیکرٹری جنرل،سیکرٹری اطلاعات، سیکرٹری مالیات، او آئی سی کےسیکرٹری پر حکم نامےکااطلاق نہیں ہوگا۔
ذیلی تنظیمیں اور شعبہ جات تحلیل ہونے والے بعد تحریک انصاف کے چیئرمین عمران خان ہیں جبکہ سیف اللہ خان نیازی چیف آرگنائزر، مخدوم شاہ محمود قریشی وائس چیئرمین، ارشد داد جنرل سیکریٹری، سردار اظہر طارق خان سیکریٹری فنانس، عمر سرفراز چیمہ سیکریٹری انفارمیشن اور ڈاکٹر عبداللہ ریار سیکریٹری او آئی سی کے عہدوں پر کام کریں گے۔
یہ بھی پڑھیں: عوام کا پی ٹی آئی کو جتوانا کرپٹ لوگوں کی بدقسمتی ہے: عمران خان
پارٹی کی تنظیم نو کی تیاریوں پر کام جاری ہے اور نئے عہدیداران کا اعلان جلد کیا جائے گا، پی ٹی آئی کے 7 عہدیداران کے علاوہ ابھی ملک بھر میں کوئی اور ذمہ دار نہیں ہے۔
یاد رہے کہ یکم مئی کو پاکستان تحریک انصاف کے 23 ویں یوم تاسیس کے سلسلے میں کنونشن سینٹر اسلام آباد میں منعقدہ تقریب سے چیئرمین پی ٹی آئی عمران خان نے خطاب کرتے ہوئے کہا کہ ہمیں پرچی میں لکھ کر پارٹی نہیں ملی۔
وزیرِ اعظم عمران خان نے کہا کہ پی ٹی آئی کی 23 سالہ جدوجہد کو سمجھنے کی ضرورت ہے، اگر اس جدوجہد کو آپ سمجھ گئے تو پھر ہمیں منزل نظر آ جائے گی، اس جدوجہد میں اچھے اور برے وقت آتے ہیں، کچھ لوگ پارٹی چھوڑ کر چلے جاتے ہیں پھر واپس بھی آ جاتے ہیں۔
عمران خان نے کہا کہ نواز شریف اور زرداری کو یقین تھا کہ ان کی کوئی پکڑ نہیں ہوگی، ان کی بد قسمتی ہے کہ عوام نے پی ٹی آئی کو جتوا دیا۔
