site
stats
پاکستان

تحریک انصاف نے پاناما کے فیصلہ کا اردو زبان میں ترجمہ جاری کردیا

اسلام آباد: تحریک انصاف نے عوامی سطح پر پاناما کیس کے فیصلے کو اجاگر کرنے کے لیے سپریم کورٹ کے فیصلے کا اردو ترجمہ جاری کردیا، پی ٹی آئی ترجمان کا کہنا ہے کہ قوم کو بتائیں گے سپریم کورٹ نے وزیر اعظم سے متعلق کیا رائے دی۔

تفصیلات کے مطابق چیئرمین تحریک انصاف عمران خان نے سپریم کورٹ کی جانب سے آنے والے پاناما فیصلے کو عوامی سطح پر اجاگر کرنے کے لیے پارٹی رہنماؤں کو اردو ترجمے کی ہدایت کی تھی  جو جاری کردیا گیا ہے۔

پاکستان تحریک انصاف کی میڈیا سیل سے جاری کردہ  پاناما فیصلے کی اردو کاپی 275 صفحات پر مشتمل ہے، جن میں سپریم کورٹ میں پیش کیے گئے فریقین کے دلائل بھی موجود ہیں، پی ٹی آئی نے ترجمے کی کاپیاں وزیراعظم ہاؤس، چاروں وزرائے اعلیٰ کو بھجنے کا بھی اعلان کیا ہے۔

تحریک انصاف کی جانب سے اردو کاپیوں کی تقسیم مرحلہ وار کی جائےگی، پہلے مرحلے  اردو ترجمے کی کاپیاں ذرائع ابلاغ کے نمائندوں اور اداروں کی دی جائیں گے جبکہ سیاسی ماہرین، قلم کاروں کو بھی ترجمے کی کاپیاں خصوصی طور پر ارسال کی جائیں گی۔

پڑھیں: ’’ پاناما تحقیقات: جے آئی ٹی تشکیل دے دی گئی

پی ٹی آئی کی جانب سے سیاسی قائدین کو کاپیاں خصوصی طور پر ارسال کی جائیں گی جبکہ تحریک انصاف کی جانب پاناما فیصلے کے ترجمے کی کاپیاں یونین کانسلز کی سطح پر بھی تقسیم کی جائیں گی۔

ترجمان تحریک انصاف کا کہنا ہے کہ قوم کو بتائیں گے سپریم کورٹ نے وزیر اعظم سے متعلق کیا رائے گی اور پاناما کا عدالتی فیصلہ پاکستان کے مستقبل کے تحفظ کی ضمانت ہے۔

تحریک انصاف پاناما فیصلہ تحریر کرنے والے ججز کو خراج تحسین پیش کرتے ہوئے کہا ہے کہ قوم جلدپاکستان کو کرپشن اور لوٹ مار کے نظام سے پاک دیکھے گی۔

یاد رہے سپریم کورٹ کی جانب سے گزشتہ ماہ پاناما کیس کا فیصلہ جاری کیا گیا تھا جو 547 صفحات پر مبنی تھا، پاناما مقدمے کی سماعت کرنے والے ججز میں سے تین ججز نے نوازشریف کے خلاف منفی ریمارکس بھی دیے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top