site
stats
پاکستان

پارٹی فنڈنگ کیس، تحریک انصاف، جواب جمع کرانی کی حتمی تاریخ 6 جولائی مقرر

Imran Khan

اسلام آباد: الیکشن کمیشن پاکستان نے پارٹی فنڈنگ کیس میں تحریک انصاف کو جواب جمع کرانے کیلئے مزید مہلت دیتے ہوئے 6 جولائی کو جواب جمع کرانے کی ہدایت کردی۔

تفصیلات کے مطابق چیف الیکشن کمشنر جسٹس ریٹائرڈ سردار رضا کی سربراہی میں پی ٹی آئی فنڈنگ کیس کی سماعت ہوئی جہاں تحریک انصاف کے وکیل نے موقف اپنایا کہ جب کیس سپریم کورٹ کے سامنے ہے تو پھر الیکشن کمیشن کو جواب نہیں دے سکتے، سپریم کورٹ میں پائی پائی کا حساب دے چکے ہیں۔

جس پرچیف الیکشن کمشنر کا کہنا تھا کہ بیرون ملک اور غیرقانونی فنڈنگ کے حوالے سے الیکشن کمیشن کے دائرہ اختیار پر پہلے ہی فیصلہ دے چکے ہیں۔

اس موقع پرتحریک انصاف کے وکیل نے ایک مرتبہ پھر جواب داخل کرانے کے لیے مذید مہلت کی استدعا کردی جسے قبول کرتے ہوئے الیکشن کمیشن نے 6 جولائی کی تاریخ دے دی ہے۔

ایک موقع پر جسٹس ریٹائرڈ سردار رضا کا کہنا تھا کہ اگر 6 جولائی تک جواب جمع نہ کرایا گیا تو ہم سمجھیں گے کہ تحریک انصاف کے پاس کوئی جواب نہیں ہے اور پھر کارروائی کو آگے بڑھاتے ہوئے کمیشن دیگر فریقین کے دلائل سنے گا۔

الیکشن کمیشن کا کہنا تھا کہ اس لیے تحریک انصاف اس بات کو یقینی بنائے کہ 6 جولائی کو ہر صورت پارٹی فنڈنگ سے متعلق جواب جمع کرا سکے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top