The news is by your side.

Advertisement

ن لیگ کی ٹماٹر فورس کے مقابلے میں پی ٹی آئی کی آلو فورس تیار

گوجرانوالہ: گوجرانوالہ میں کارکنوں کی سیاست سبزیوں پر اتر آئی، متوالوں کی ٹماٹر فورس کے مقابلے میں کھلاڑیوں کی آلو فورس تیارہوگئی، کھلاڑیوں کا دعویٰ ہے کہ آدھا کلو کا آلو عزت اتارنے کے علاوہ بھی بہت کچھ کرے۔

تفصیلات کے مطابق چھیھچر والی سے تعلق رکھنے والے پاکستان تحریک انصاف کے چئیرمین میاں ابو بکر نے لیگی کارکنوں کی انڈے اور ٹماٹر فورس کے جواب میں آلو فورس تیار کرلی۔

چھیھچر والی میں ان کے ڈیرے پر کھلاڑیوں کو آلو پھینکنے کی عملی تربیت بھی دی جا رہی ہے، کھلاڑیوں کا کہنا ہے کہ ’’گو نواز گو‘‘ لکھا آدھا کلو کا آلو لیگی متوالوں کی عزت اتارنے کے ساتھ ساتھ ان کے ہوش بھی ٹھکانے لگادے گا۔

ان کا کہنا ہے کہ بر سر اقتدار جماعت کے کارکنوں کی جانب سے کیے جانے والے اوچھے ہتھکنڈوں پر حکومت سمیت ضلعی انتظامیہ اور پولیس بھی خاموش تماشائی کا کردار ادا کر رہی ہے جس کے بعد انہوں نے اپنے بچاؤ کے لیے آلو فورس تیار کی ہے۔

ان کا کہنا ہے کہ رائے ونڈ مارچ کے دوران اگر ان پر حملے ہوئے تو وہ بھی اینٹ کا جواب پتھر سے دیں گے۔

Print Friendly, PDF & Email

Comments

comments

یہ بھی پڑھیں