The news is by your side.

Advertisement

پی ٹی آئی احتجاج : وزارت داخلہ نے ایڈوائزی جاری کردی

اسلام آباد : وزارت داخلہ نے پی ٹی آئی احتجاج سے متعلق صوبائی حکومتوں، آئی جی پولیس اور ہوم سیکرٹریز کو ایڈوائزی جاری کردی ، جس میں کہا ہے کہ شرپسندعناصر کو تلاش کیا جائے جومارچ ہنگامہ آرائی میں ملوث تھے۔

تفصیلات کے مطابق پی ٹی آئی احتجاج سے متعلق وزارت داخلہ نے ایڈوائزی جاری کردی ، ایڈوائزی صوبائی حکومتوں، آئی جی پولیس اور ہوم سیکرٹریز کو جاری کی گئی۔

ایڈوائزری میں کہا گیا کہ احتجاج میں شامل پی ٹی آئی کارکنوں کی شناخت کو یقینی بنایا جائے اور شرپسند عناصر کو تلاش کیا جائے جو مارچ ہنگامہ آرائی میں ملوث تھے۔

وزارت داخلہ کی جانب سے کہا گیا کہ ایسےشرپسند کارکنان پرکڑی نظر رکھی جائے ،شناخت کویقینی بنایا جائے اور فساد مارچ میں ملوث شرپسند افراد کی گرفتاری کو یقینی بنایاجائے۔

ایڈوائزری میں مزید کہا گیا کہ ایسے مظاہرین کی نشاندہی کی جائے جو آئندہ فساد مارچ میں شامل ہوسکتے ہیں، شرپسند کارکنان کو آئندہ ممکنہ مارچ میں شامل ہونے سے روکا جائے اور جن پر مقدمات درج تھے ان کو گرفتار کیا جائے۔

Comments

یہ بھی پڑھیں