The news is by your side.

پی ٹی آئی کا کل کراچی میں ہونیوالےجلسے کا مقام تبدیل

پی ٹی آئی نے کراچی میں مسلسل ہونے والی بارشوں کے سبب جلسہ گاہ میں پانی بھر جانے کے باعث اپنے کل ہونے والے جلسے کا مقام تبدیل کردیا ہے۔

اے آر وائی نیوز کے مطابق پاکستان تحریک انصاف نے شہر قائد میں مسلسل بارشوں کے باعث کل جناح گراؤنڈ میں ہونے والے جلسے کا مقام تبدیل کردیا ہے اب یہ جلسہ شاہراہ قائدین پر ہوگا جس سے پارٹی چیئرمین عمران خان خطاب کریں گے۔

اے آروائی نیوز براہِ راست دیکھیں live.arynews.tv پر

کراچی میں مسلسل بارشوں کے باعث جناح گراؤنڈ میں نہ صرف پانی اور کیچڑ جمع ہوچکا ہے بلکہ مزید بارشوں کی پیشگوئی کے باعث وہاں جلسے کا انعقاد ممکن نہیں رہا ہے۔

اس حوالے سے پی ٹی آئی رہنما خرم شیر زمان کا کہنا ہے کہ جلسہ جناح گراؤنڈ میں ہونا تھا تاہم مسلسل بارشوں کے باعث وہاں پانی بھر چکا ہے اس لیے جلسے کا مقام تبدیل کیا گیا ہے اور اب یہ جلسہ شاہراہ قائدین پر ہوگا۔ آج وہاں جاکر جلسے کے انتظامات کا جائزہ لیں گے۔

خرم شیر زمان نے کہا کہ 21 اگست کو این اے 245 میں ہونے والے ضمنی الیکشن اور 28 اگست کو بلدیاتی الیکشن کی مہم کے سلسلے میں سربراہ تحریک انصاف عمران خان کراچی آرہے ہیں وہ کل جلسہ عام سے خطاب کریں گے۔

انہوں نے بتایا کہ حیدرآباد میں پی ٹی آئی کا جلسہ ملتوی کردیا گیا ہے کیونکہ بارشوں کے باعث شہر حیدرآباد مکمل طور پر بند ہے۔

واضح رہے کہ پی ٹی آئی چیئرمین اور سابق وزیراعظم عمران خان نے آئندہ ماہ قومی اسمبلی کے 9 حلقوں میں ہونے والے ضمنی انتخابات کی مہم چلانے کا خود فیصلہ کرتے ہوئے کراچی سمیت ملک بھر میں جلسے کرنے کا اعلان کیا تھا۔

مزید پڑھیں: عمران خان کا کراچی میں بڑے جلسے اور9 نشستوں پر انتخابی مہم خود چلانے کا فیصلہ

کراچی میں قومی اسمبلی کے حلقہ این اے 245 پر اتوار 21 اگست کو ضمنی الیکشن بھی ہونا ہے یہ نشست پی ٹی آئی کے رکن قومی اسمبلی عامر لیاقت حسین کے انتقال کے باعث خالی ہوئی تھی۔

Comments

یہ بھی پڑھیں