تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

"پی ٹی آئی کا ڈپٹی اسپیکر پنجاب اسمبلی کی نااہلی کیلیے الیکشن کمیشن جانے کا اعلان”

پاکستان تحریک انصاف پنجاب کے رہنماؤں نے ڈپٹی اسپیکر دوست مزاری کو نااہل اور ڈی سیٹ کرانے کیلیے الیکشن کمیشن سے رجوع کرنے کا اعلان کیا ہے۔

اے آر وائی نیوز کے مطابق پی ٹی آئی سے تعلق رکھنے والے اراکین پنجاب اسمبلی محمود الرشید، راجا بشارت اور سبطین خان نے مشترکہ پریس کانفرنس کرتے ہوئے ڈپٹی اسپیکر پنجاب اسمبلی دوست محمد مزاری کو پارٹی احکامات کے برخلاف ایوان اقبال میں اجلاس کی صدارت کرنے پر انہیں نااہل اور ڈی سیٹ کرانے کیلیے الیکشن کمیشن جانے کا اعلان کیا ہے۔

پی ٹی آئی کے رکن صوبائی اسمبلی محمودالرشید نے کہا کہ ڈپٹی اسپیکر دوست محمد مزاری کو پارٹی سطح پر ایوان اقبال جانے سے روکا گیا گیا، ڈپٹی اسپیکر کے اسٹاف کو نوٹس بھی وصول کرایا لیکن انہوں نے خلاف آئین وقانون کام کیا ہے، ڈپٹی اسپیکر کے خلاف قانونی چارہ جوئی کے لیے اعلیٰ عدلیہ سمیت تمام فورم سے رجوع کریں گے اور انہیں نااہل قرار اور ڈی نوٹیفائی کرنے کے لیے الیکشن کمیشن کے پاس جائیں گے اور جس طرح پہلے 20 منحرف اراکین ڈی سیٹ ہوئے ویسے ہی ڈپٹی اسپیکر کو کرائیں گے۔

راجا بشارت نے کہا کہ گورنر پنجاب کے کل کیے گئے تینوں اقدامات غیر قانونی ہیں، تینوں نوٹیفکیشن سیکریٹری اسمبلی کے دستخط سے جاری ہونا تھے، لیکن اسمبلی اجلاس برخاست کرنے سمیت ایوان اقبال اجلاس کرنے بلانے اور آرڈیننس بھی سیکریٹری لا کے دستخط سے جاری ہوئے۔

ان کا کہنا تھا کہ غیر قانونی اورغیر آئینی طور پر پنجاب کے معاملات چلائے جارہے ہیں، حکومت پسپا ہونے کے بعد اسمبلی چھوڑ کر ایوان اقبال گئی، ایوان اقبال میں اسمبلی اسٹاف نہیں اور نہ ہی سیکریٹریٹ ہے، آئین کا مذاق اڑایا جارہا ہے جس کے خلاف عدلیہ سے رجوع کرنا ہوگا۔

راجا بشارت نے مزید کہا کہ ہمارے دور حکومت میں حمزہ شہباز کو پروڈکشن آرڈر کے ذریعے اسمبلی میں لایا گیا تھا، اس وقت حمزہ شہباز سمیت ن لیگ نے پروڈکشن آرڈر کو سراہا لیکن آج جب اپنی ضرورت ختم ہوگئی ہے تو پروڈکشن آرڈر کو غلط سمجھتے ہیں۔

سبطین خان نے کہا کہ آج ن لیگ نے واضح کردیا کہ اسے پنجاب کے 12 کروڑ عوام کی نہیں بلکہ صرف عطا تارڑ کی فکر تھی کہ اسے کسی طرح اسمبلی میں بٹھائیں، بجٹ اجلاس کا درست فورم پنجاب اسمبلی ہے، صرف ایک شخص کو بچانے کیلئے 12 کروڑ عوام کو دربدر کیا گیا۔

Comments

- Advertisement -