The news is by your side.

Advertisement

قومی اثاثوں کی اونے پونے داموں فروخت: پی ٹی آئی نے معاملہ ایوان بالا میں اٹھا دیا

اسلام آباد : تحریک انصاف نے حکومت کی جانب سے قومی اثاثوں کی اونے پونے داموں فروخت کا معاملہ ایوان بالامیں اٹھادیا۔

تفصیلات کے مطابق حکومت کی جانب سے قومی اثاثوں کی اونے پونے داموں فروخت کا معاملہ پاکستان تحریک انصاف نے ایوان بالامیں اٹھادیا۔

تحریک التوا سینیٹ کے قاعدہ نمبر 58 کےتحت جمع کروادی گئی ، تحریک التواسینیٹر اعجاز چوہدری، سینیٹر شبلی فراز ، سینیٹر سیف اللہ نیازی، سینٹر ڈاکٹر زرقاتیمور اور دیگر کی جانب سے جمع کرائی گئی۔

تحریک التوا کے ذریعے ایوان کی کارروائی معطل کرانے اور معاملے پر بحث کی التجا کی گئی ہے۔

تحریک التوا کے متن میں کہا گیا ہے کہ کابینہ نے قومی اثاثوں سے متعلق ایک آرڈیننس پاس کرنے کیلئے تیار کیا ہے، قومی اثاثوں کو سستے داموں فروخت کرنے کا فیصلہ کیا ہے۔

تحریک انصاف کا کہنا ہے کہ پاکستان پٹرولیم لمیٹڈ، اوجی ڈی سی لمیٹڈ، ماڑی پٹرولیم لمیٹڈ فروخت کا فیصلہ کیاگیا، تمام تیل کے ذخائر محض 2 ارب ڈالرز میں فروخت کرنے کا طے کیا ہے۔

تحریک التوا میں کہا کہ اس معاہدے کو آئی ایم ایف پروگرام کاحصہ بنادیاگیا، اس کو عدالتی کارروائی سے بھی استثنیٰ حاصل ہوگا، حکومت اس معاہدے کی مکمل تفصیلات سے ایوان کو آگاہ کرے۔

Comments

یہ بھی پڑھیں