The news is by your side.

Advertisement

نواز شریف عدالت سے ڈکلیئرڈ مافیا ہیں: فواد چوہدری

لاہور: تحریک انصاف کے ترجمان فواد چوہدری نے کہا ہے کہ سابق وزیر اعظم نواز شریف اعلیٰ عدالت سے ڈکلیئرڈ مافیا ہیں، وہ آج تک اپنی جائیداد کا حساسب نہیں‌ دے سکے.

ان خیالات کا اظہار انھوں‌ نے نواز شریف کے ہری پور کے جلسے پر ردعمل دیتے ہوئے کیا.

انھوں نے الزام عائد کیا کہ شریف خاندان نے ہمیشہ جھوٹ بولا، آج تک جائیداد کا حساب نہیں دیا.سوائے ایک قطری خط کے نوازشریف کے پاس کوئی منی ٹریل نہیں.

فواد چوہدری نے سوال کیا کہ آخر اتنا پیسہ کہاں سے آیا، یہ جائیدادیں کیسے خریدیں. انھوں‌ نے کہا کہ شریف خاندان کے پاس کوئی رسید نہیں ہے.

تحریک انصاف کے ترجمان کا کہنا تھا کہ نوازشریف کی سہولت کے لئے ہم نے فیصلے کا اردوترجمہ کرایا، تاکہ انھیں سمجھنے میں‌ دقت نہ ہو.

عوام کوپتا ہے کہ عمران خان کتنے صادق اور امین ہیں: نواز شریف

فواد چوہدری نے کہا کہ انصاف کا تقاضا تو یہ تھا کہ نواز شریف لوٹ مارکے بجائےعوام کی خدمت کرتے، مگر ایسا نہیں‌ کیا گیا. فوج اورعدالت پر تنقید کر کے نوازشریف کسے خوش کرتے ہیں، دراصل نوازشریف کا واحد مقصد مودی کو خوش رکھنا ہے.

انھوں‌ نے جنگ اور جیو پر تنقید کرتے ہوئے کہا کہ نوازشریف میرشکیل کے ساتھ  مل کراپنی کرپشن چھپاتے ہیں.

یاد رہے کہ میاں‌ نواز شریف نے ہری پور میں‌ عمران خان پر کڑی تنقید کرتے ہوئے کہا تھا کہ لاڈلے نے ہمیشہ گالیوں کی سیاست کی ہے،عوام کوپتا ہے کہ عمران خان کتنے صادق اورامین ہیں۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں