The news is by your side.

Advertisement

آصف زرداری کی ضمانت منسوخ توہونا ہی تھی ، سینیٹرفیصل جاوید

آصف زرداری کی درخواست ضمانت پر فیصلہ منطقی اور قابل فہم ہے، عمر چیمہ

اسلام آباد : پاکستان تحریک انصاف کے سینیٹرفیصل جاوید نے کہا آصف زرداری کی ضمانت منسوخ توہونا ہی تھی، لگتا ہے نیب کےپاس ٹھیک ٹھاک ثبوت ہیں، 10سال میں صرف 2خاندان کی جائیدادیں بڑھیں جبکہ عمر چیمہ کا کہنا تھا آصف زرداری کی درخواست ضمانت پرفیصلہ منطقی قابل فہم ہے۔

تفصیلات کے مطابق پاکستان تحریک انصاف کے مرکزی رہنما عمر چیمہ نے اسلام آباد ہائی کورٹ کے فیصلے پر ردعمل دیتے ہوئے کہا آصف زرداری کی درخواست ضمانت پر فیصلہ منطقی اور قابل فہم ہے، محسوس ہورہاہے آصف زرداری کیخلاف شواہد ناقابل تردید ہیں۔

عمر چیمہ کا کہنا تھا جے آئی ٹی نے بہت سے ناقابل تردید شواہد پر رپورٹ مرتب کی، کرپٹ کردار اپنے انجام کو پہنچیں گے۔

لگتا ہے آصف زرداری کیخلاف نیب کےپاس ٹھیک ٹھاک ثبوت ہیں، فیصل جاوید


دوسری جانب پی ٹی آئی سینیٹر فیصل جاوید نے اے آر وائی نیوز سے گفتگو میں اسلام آباد ہائی کورٹ کے فیصلے پر کہ آصف زرداری کی ضمانت منسوخ توہونا ہی تھی، عام آدمی سوچتا ہےکہ دوخاندانوں کےاثاثوں کا گراف اوپر جارہا ہے،غربت کا گراف نیچےجا رہا ہے، ان کےذرائع آمدن کیا ہیں، لگتا ہے نیب کےپاس ٹھیک ٹھاک ثبوت ہیں۔

فیصل جاوید کا کہنا تھا قانون اپنا راستہ خود لے گا، 10 سال میں غریب مزید غریب، ادارے تباہ ہوئے اور صرف 2خاندان کی جائیدادیں بڑھیں، ملک کے قرضے اوپر جاتےرہے ،غربت بڑھتی رہی۔

انھوں نے کہا عام آدمی دیکھ رہا ہے یہ امیر ہوگئے اور وہ غریب ہورہےہیں، ان سے چوری کا پوچھا جائے تووزیراعظم پر الزام لگاتےہیں، یہ سب اپنی کرپشن اور مفادات کیلئے اکٹھے ہوتے ہیں، چارٹر آف ڈیموکریسی نہیں ماضی میں چارٹرآف کرپشن کیاگیا۔

یاد رہے جعلی بینک اکاؤنٹس کیس میں اسلام آباد ہائی کورٹ نے سابق صدر آصف زرداری اور فریال تالپور کی درخواست ضمانت مسترد کردی تھی اور گرفتار کرنے کا حکم دیا تھا۔

Comments

comments

یہ بھی پڑھیں