لاہور: تحریک انصاف نے الیکشن کمیشن کی جانب سے عمران خان کے وارنٹ جاری کرنے کے فیصلے کے خلاف ہائی کورٹ جانے کا اعلان کردیا۔
تفصیلات کے مطابق تحریک انصاف کا الیکشن کمیشن کی جانب سے عمران خان کے وارنٹ جاری کرنے کے فیصلے پر درعمل آگیا۔
پی ٹی آئی رہنما فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ الیکشن کمیشن کا وارنٹ جاری کرنے کا فیصلہ ہائیکورٹ فیصلے کی توہین ہے، کیس کی تاریخ 17 جنوری تھی ، رولز کےخلاف آج مقرر کرکے فیصلہ دیاگیا۔
فواد چوہدری کا کہنا تھا کہ یہ الیکشن کمیشن کے ان بونے ممبران کا ایک اور جانبدار فیصلہ ہے، الیکشن کمیشن کے فیصلے کے خلاف ہائیکورٹ میں توہین عدالت کا مقدمہ کریں گے۔
الیکشن کمیشن کا قابل ضمانت وارنٹ جاری کرنے کا فیصلہ ہائیکورٹ کے فیصلے کی توہین ہے، کیس کی تاریخ 17 جنوری گھی جس کو رولز کے خلاف آج مقرر کرکے فیصلہ دیا گیا یہ الیکشن کمیشن کے ان بونے ممبران کا ایک اور جانبدار فیصلہ ہے، اس فیصلے کے خلاف ہائیکورٹ میں توھین عدالت کا مقدمہ کریں گے
— Ch Fawad Hussain (@fawadchaudhry) January 10, 2023
تحریک انصاف کے رہنما اسد عمر نے اپنے ٹوئٹ میں لکھا ‘ الیکشن کمیشن نےعمران خان،میرےاورفوادچوہدری کےوارنٹ گرفتاری جاری کردیئے، الیکشن کرانے کا کام کرنے کے بجائےان کاموں میں لگےہوئےہیں، اسلام آباد الیکشن نہ کروا کر خود یہ توہینِ عدالت کے مرتکب ہیں۔
الیکشن کمیشن نے وارنٹ گرفتاری جاری کر دیئے عمران خان صاحب، میرے اور فواد چوہدری کے. اپنا الیکشن کروانے کا کام کرنے کے بجائے ان کاموں میں لگے ہوئے ہیں. خود یہ توہینِ عدالت کے مرتکب ہیں اسلام آباد الیکشن نہ کروا کر
— Asad Umar (@Asad_Umar) January 10, 2023
ترجمان پنجاب حکومت مسرت جمشیدچیمہ نے عمران خان کے وارنٹ جاری ہونے پر ردعمل دیتے ہوئے کہا کہ الیکشن کمیشن ہر دن اپنے بونےہونےکاثبوت دیتاہے، قابل ضمانت وارنٹ جاری کرنے کا فیصلہ عدالتی فیصلے کی توہین ہے۔
مسرت چیمہ کا کہنا تھا کہ بادی النظرمیں توہین عدالت اب موجودہ حکمرانوں کی عادت بنتی جارہی ہے، اس فیصلے کے خلاف ہم عدالت میں توہین عدالت کا مقدمہ دائر کریں گے۔
الیکشن کمشن ہر دن اپنے بونے کا ثبوت دیتا ہے. قابل ضمانت وارنٹ جاری کرنے کا فیصلہ عدالتی فیصلے کی توہین ہے. بادی النظر میں توہین عدالت اب موجودہ حکمرانوں کی عادت بنتی جا رہی ہے.
اس فیصلے کے خلاف ہم عدالت میں توہین عدالت کا مقدمہ دائر کریں گے.
— Musarrat Cheema (@MusarratCheema) January 10, 2023