The news is by your side.

Advertisement

اراکین پارلیمنٹ کی تنخواہوں میں اضافہ مسترد کرتے ہیں، عمران خان

اسلام آباد: پاکستان تحریک انصاف نے ارکان پارلیمنٹ کی تنخواہوں میں اضافہ کو مسترد کردیا، شاہ محمود قریشی کہتے ہیں تحریک انصاف ٹی آو آرز کمیٹی میں حکومت کے ساتھ مذاکرات کرنے میں سنجیدہ ہے۔

پاکستان تحریک انصاف کی سئینر قیادت کا اجلاس عمران خان کی صدارت میں بنی گالہ میں ہوا، اراکین پارلیمنٹ کی تنخواہوں میں اضافہ مستردکرتے ہوئے عمران خان کا کہنا تھا کہ تنخواہوں میں اضافہ نامناسب ہے،حکومت روزانہ کی بنیاد پرچھ ارب کےقرضےلےرہی ہے، عمران خان نے حکومت پر تنقید کرتے ہوئے پانامالیکس کی تحقیقات کےایجنڈے کو اٹھانے کا بھی فیصلہ کیا۔

اجلاس کے بعد نعیم الحق اور اعجاز چوہدری کے ہمراہ میڈیا سے گفتگو میں شاہ محمود قریشی نے بتایا کہ پاکستان تحریک انصاف نے اراکین اسمبلی کی تنخواہوں میں اضافہ کو مسترد کرنے کا فیصلہ کیا ہے اس حوالے سے وفاقی وزیر خزانہ سے بھی بات کی جائے گی۔

شاہ محمود قریشی نے کہا کہ ڈرون حملے کے بعد وزیر دفاع پانچ روز خاموش رہے، بلوچستان میں ڈرون حملہ پاکستان کی سالمیت پر حملہ ہے۔

شاہ محمودقریشی نے کہا کہ رمضان المبارک کے دوران عوامی رابطہ مہم جارہی رہے گی جلسے جلوس نہیں کئے جائیں گے۔تحریک انصاف چاہتی ہے کہ ٹی و آر پارلیمانی کمیٹی دو ہفتوں میں اپنا کام مکمل کرے۔

اس موقع پر نعیم الحق نے کہا کہ پی ٹی آئی کے جلسوں میں خواتین کے ساتھ ہونے والی بدسلوکی کی تحقیقاتی رپورٹ چیئرمین کو پیش کردی ہے، کل اسکی تفصیلات جاری کردی جائیں گی، اجلاس میں پانامہ لیکس کی تحقیقات کا ایجنڈا پوری شدومد سے اٹھائے رکھنے کا بھی فیصلہ ہوا۔

Comments

comments

یہ بھی پڑھیں