پاکستان تحریک انصاف نے جلسوں کا حتمی شیڈول جاری کر دیا جس کے مطابق بدھ سے اتوار پانچ بڑے شہروں میں جلسے ہوں گے۔
حتمی شیڈول کے مطابق پہلا جلسہ بدھ کے روز مریدکے میں ہوگا، دوسرا جلسہ جمعرات کو گکھڑ منڈی، تیسرا لالا موسیٰ، چوتھا گوجر خان اور پانچواں جلسہ اٹک میں ہوگا، جلسوں کی قیادت سابق وزیر اعظم و چیئرمین پی ٹی آئی عمران خان خود کریں گے۔
پاکستان تحریک انصاف کے جلسوں کا شیڈیول جاری
بدھ کو چیئرمین تحریک انصاف عمران خان مریدکے میں جلسۂ عام سے خطاب کریں گے
جمعرات کو گکھڑ جمعتہ المبارک کو لالہ موسیٰ میں جلسہ ہائے عام منعقد کئے جائیں گے
ہفتے کو عمران خان گوجر خان جائیں گے اور جلسۂ عام سے مخاطب ہوں گے
اتوار کو…
— PTI (@PTIofficial) May 7, 2023
گزشتہ روز پی ٹی آئی نے آئین، سپریم کورٹ اور چیف جسٹس کی حمایت میں ملک کے مختلف شہروں میں ریلیاں نکالی تھیں۔ لاہور میں ریلی کی قیادت کرتے ہوئے عمران خان نے اپنے خطاب میں الیکشن نہ ہونے کی صورت میں سڑکوں پر نکلنے کا اعلان کیا تھا۔
عمران خان کا کہنا تھا کہ اگلے ہفتے سے 14 مئی تک جلسے کروں گا، مقررہ تاریخ پر پنجاب میں الیکشن نہ ہوئے تو سڑکوں پر ہوں گے، مجھے دو دفعہ قتل کرنے کی کوشش کی گئی، جب تک الیکشن نہیں ہوتے سانس نہیں لیں گے، ہمارے اوپر قاتلانہ حملے ہوئے کسی کو پروا نہیں، قوم کا نقصان ہو رہا ہے ان (پی ڈی ایم حکومت) کو پروا نہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں