ڈان لیکس کی رپورٹ قومی اسمبلی میں لائی جائے: پی ٹی آئی کی قرارداد -
The news is by your side.

Advertisement

ڈان لیکس کی رپورٹ قومی اسمبلی میں لائی جائے: پی ٹی آئی کی قرارداد

اسلام آباد: پاکستان تحریک انصاف نے ڈان لیکس کی رپورٹ کو قومی اسمبلی میں لانے کے لیے قرارداد جمع کروا دی۔ قرارداد میں کہا گیا ہے کہ وزارت داخلہ کو رپورٹ ایوان میں پیش کرنے کا پابند بنایا جائے۔

تفصیلات کے مطابق پاکستان تحریک انصاف نے قومی اسمبلی میں قرارداد جمع کروادی جس میں مطالبہ کیا گیا ہے کہ ڈان لیکس پر کمیشن کی رپورٹ کو ایوان میں پیش کیا جائے۔

مزید پڑھیں: ڈان لیکس کیا ہے؟

رکن اسمبلی مراد سعید کی جانب سے جمع کروائی گئی قرارداد میں مطالبہ کیا گیا ہے کہ وزارت داخلہ کو رپورٹ فوری طور پر ایوان میں پیش کرنے کا پابند بنایا جائے۔

مراد سعید نے کہا کہ پارلیمان بالا دست ہے حکومت اپنے عمل سے یہ ثابت کرے۔ حکومتی رویے اور طرز عمل سے پارلیمان کی ساکھ متاثر ہوئی۔

انہوں نے کہا کہ پاناما لیکس پر وزیر اعظم نے جھوٹ بول کر ایوان کا تقدس مجروح کیا۔ قومی سلامتی سمیت ہر اہم معاملے پر پارلیمان کو اہمیت دینا ہوگی۔

یاد رہے کہ 6 اکتوبر کو انگریزی اخبار ڈان میں صحافی سرل المیڈا کی جانب سے وزیر اعظم ہاؤس میں ہونے والے اجلاس سے متعلق دعویٰ کیا گیا کہ اجلاس میں کالعدم تنظیموں کے معاملے پر عسکری اور سیاسی قیادت میں اختلافات ہیں۔

خبر پر سیاسی اور عسکری قیادت نے سخت ردعمل دیتے ہوئے قومی سلامتی کے منافی قرار دیا۔

ڈان لیکس کے معاملے پر وفاقی وزیر اطلاعات پرویز رشید کو ان کے عہدے سے فارغ کیا گیا۔

بعد ازاں ڈان لیکس سے متعلق رپورٹ میں طارق فاطمی اور پرنسل انفارمیشن افسر راؤ تحسین کے خلاف کارروائی کی سفارش کی گئی تھی جس کے بعد دونوں کو ان کے عہدے سے برطرف کردیا گیا۔

رپورٹ کو پاک فوج نے مسترد کرتے ہوئے اسے نامکمل قرار دیا تھا۔

Comments

comments

یہ بھی پڑھیں