The news is by your side.

Advertisement

پیپلزپارٹی سے رابطوں سےمتعلق خبروں میں صداقت نہیں، نعیم الحق

اسلام آباد : پاکستان تحریک انصاف کے رہنما نعیم الحق کا کہنا ہے ایک دودن میں حکومت بنانےکااعلان کریں گے، پیپلزپارٹی سے رابطوں سےمتعلق خبروں میں صداقت نہیں۔

تفصیلات کے مطابق پی ٹی آئی کے رہنما نعیم الحق نے میڈیا سے گفتگو کرتے ہوئے کہا کہ ایک دو دن میں حکومت بنانے کا اعلان کریں گے، پنجاب کےآزادامیدواروں کی اکثریت ہمارےساتھ ہے، انشااللہ پنجاب میں بھی ہم حکومت بنائیں گے۔

نعیم الحق کا کہنا تھا کہ جس کی دھاندلی کی شکایات ہیں، وہاں حلقےکھولےجارہےہیں، پی ٹی آئی کامؤقف ہے جنہوں نے دھاندلی انہیں سزاملنی چاہیے، اسفندیارولی اور محموداچکزئی کو ہمارےکارکنان نے شکست دی، کراچی میں13 نشستیں کنفرم اور ایک پر تنازع ہے۔

رہنما پی ٹی آئی نے کہا کہ عمران خان خطاب میں واضح کہہ چکے ہیں، حلقے کھلوانے کو تیار ہیں، کسی کوبھی دھاندلی کی شکایت ہے تو حلقے کھلوانے کو تیار ہیں۔

ان کا کہنا تھا کہ پیپلزپارٹی سے رابطوں سےمتعلق خبروں میں صداقت نہیں، امید ہےکہ سیاسی قائدین عمران خان کو مثبت جواب دیں گے۔

ںعیم الحق نے حمزہ شہباز کے پنجاب میں حکومت بنانے کے اعلان پر جواب دیتے ہوئے کہا کہ یہ 2013 نہیں 2018 ہے، پنجاب میں حکومت بنانے کی پوزیشن میں ہیں اور بنائیں گے، ہمارا پنجاب کے آزاد منتخب امیدواروں سے رابطہ قائم ہے

ان کا کہنا تھا کہ جس کی وفاق میں حکومت ہوتی ہے، وہ صوبوں میں بھی بنا سکتا ہے، ہمارے پاس جس صوبے میں اکثریت ہے، وہاں حکومت بنانا حق ہے، چاہتے ہیں پاکستان کے انتخابی نظام میں خامیاں ہیں تو دور کیا جائے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں