پی ٹی آئی بھی کہہ رہی ہے نیب قوانین کو درست کرنے کی ضرورت ہے: قمرزمان کائرہ
The news is by your side.

Advertisement

پی ٹی آئی بھی نیب قوانین میں درستی کی ضرورت محسوس کررہی ہے: قمرزمان کائرہ

کراچی: پاکستان پیپلزپارٹی کے رہنما قمرزمان کائرہ نے کہا ہے کہ نیب قوانین درست کرنے کی بات کی تو ن لیگ نے ہمارا ساتھ نہیں دیا تھا، اب پی ٹی آئی بھی کہہ رہی ہے نیب قوانین کو درست کرنے کی ضرورت ہے۔

ان خیالات ک اظہار انہوں نے اے آر وائی نیوز کے پروگرام پاور پلے میں انٹرویو دیتے ہوئے کیا، قمرزمان کائرہ کا کہنا تھا کہ نیب قوانین 18ویں ترمیم کا حصہ نہیں تھے، اس ترمیم میں جن معاملات پر اتفاق ہوا وہ کی گئیں، بہت سے معاملات  18ویں ترمیم کے بعد بھی حل کرنے کی ضرورت تھی۔

انہوں نے کہا کہ 18ویں ترمیم میں وہ تمام چیزیں تھیں جن پر تمام جماعتیں متفق ہوئیں، آصف زرداری ساڑھے 11سال ان جرائم کی  سزائیں بھگت چکے ہیں جو کبھی ثابت بھی نہیں ہوئے۔

پیپلز پارٹی کے رہنما کا کہنا تھا کہ ہماری جماعت کے لوگوں کو پکڑا جارہا ہے گواہیاں لینے کی کوشش کی جارہی ہے، آصف زرداری سمیت ہم سب ان مسائل کا ذکر پہلے سے کرتے آرہے ہیں، کسی کے خلاف ثبوت آج تک نہیں دیا گیا، روزانہ ہماری تضحیک کی جارہی ہے۔

ایک سوال کے جواب میں ان کا کہنا تھا کہ کئی ملکوں سے ایک دوسرے کی کرنسی میں تجارت کے معاہدے ہوچکے ہیں، 23 دسمبر2011 کو پاک چین کرنسی معاہدہ ہواتھا۔

Comments

comments

یہ بھی پڑھیں