The news is by your side.

Advertisement

حکومت میں آتے ہی فاٹا میں صوبائی سطح پر انتخابات کرائیں گے: فواد چوہدری

اسلام آباد: پاکستان تحریک انصاف کے ترجمان فواد چوہدری نے کہا ہے کہ اقتدار میں آکر فاٹا کے انضمام کو مکمل کریں گے اور فاٹا میں صوبائی سطح پر انتخابات کرائیں گے۔

ان خیالات کا اظہار انہوں نے میڈیا سے گفتگو کرتے ہوئے کیا، فواد چوہدری کا کہنا تھا کہ فاٹا کے معاملے پر احتجاج کرنے والے لوگ پی ٹی آئی کو ووٹ دیں اور اقتدار میں لائیں، تحریک انصاف قومی اور صوبائی حکومتیں بنائے گی۔

انہوں نے کہا کہ مسلم لیگ (ن) اور مریم نواز کے حواری انتخابی نتائج کو متنازع کرنے کی منظم کوشش کررہے ہیں جس کے لیے نوازشریف نے فوج اور عدلیہ کو نشانے پر لے لیا ہے۔


نوازشریف کے جھوٹ کی لنکا خود ان کے گھر کے بھیدی نے ڈھائی: فواد چوہدری


ترجمان پی ٹی آئی کا کہنا تھا کہ نوازشریف لندن میں بات کرتے ہیں اور فوج پر مسلسل تنقید کرتے ہیں، انہوں نے فوج اور عدلیہ کو نشانے پر لے لیا ہے ،ہم نوازشریف اور (ن) لیگ کے بیانیے کی مذمت کرتے ہیں۔

فواد چوہدری کا کہنا تھا کہ مرکزی سطح پر کسی پارٹی سے سیٹ ایڈجسٹمنٹ نہیں کی، مقامی سطح پر کچھ جگہوں پر سیٹ ایڈجسٹمنٹ کی گئی ہے، چوہدری صاحب کو دکھ ہے کہ ان سے سیٹ ایڈجسٹمنٹ نہیں کی۔


لاہور ہائی کورٹ نے فواد چوہدری کو الیکشن لڑنے کی اجازت دے دی


ان کا مزید کہنا تھا کہ ہم نے چاروں صوبوں کےگورنر تبدیل کرنے کا مطالبہ کیا تھا، ماضی میں خیبر پختونخواہ گورنر تبدیل ہوتے رہتے تھے لیکن اس بار ہمیں نہیں سمجھ آرہی انہیں تبدیل کیوں نہیں کیا جارہا، اگر انہیں الیکشن کے بعد تبدیل کرنا ہے تو وہ ہم آکر خود کرلیں گے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں