پاکستان تحریک انصاف کے سینیٹر فیصل جاوید نے دعویٰ کیا ہے کہ پی ٹی آئی قومی اسمبلی میں واپس آ رہی ہے۔
پاکستان تحریک انصاف کے سینیٹر فیصل جاوید نے سماجی رابطوں کی ویب سائٹ ٹوئٹر پر اپنے ٹوئٹ میں دعویٰ کیا ہے پی ٹی آئی قومی اسمبلی میں واپس آرہی ہے۔
پی ٹی آئی سینیٹر نے اپنے اس دعوے کی وضاحت کرتے ہوئے ٹوئٹ میں آگے لکھا ہے کہ انشا اللہ دو تہائی اکثریت سے زیادہ نشستیں لے کر تحریک انصاف واپس قومی اسمبلی میں آئے گی۔
فیصل جاوید نے مزید کہا کہ پوری قوم کا مطالبہ ہے فوری نئے اور شفاف انتخابات کرائے جائیں۔
تحریک انصاف قومی اسمبلی میں واپس آرہی ہے –
انشاء اللہ دو تہائی اکثریت سے زیادہ نشستیں لیکر –
پوری قوم کا مطالبہ ہے کہ فوری طور پر نئے اور صاف و شفاف انتخابات کرائے جائیں – #امپورٹڈ_حکومت_نامنظور— Faisal Javed Khan (@FaisalJavedKhan) May 30, 2022
واضح رہے کہ پی ٹی آئی کے مرکزی رہنما اسد عمر نے اے آر وائی نیوز کے پروگرام دی رپورٹرز میں گفتگو کرتے ہوئے ان افواہوں کی تردید کی ہے اور کہا ہے کہ پی ٹی آئی کے پشاور میں کور کمیٹی کے اجلاس میں پارٹی کے قومی اسمبلی میں واپسی کا کوئی فیصلہ نہیں ہوا ہے۔
یہ بھی پڑھیں: کیا تحریک انصاف قومی اسمبلی میں واپس آرہی ہے؟ اسد عمر نے بتادیا
اسد عمر نے مزید کہا کہ ہم شروع سے کہہ رہے ہیں کہ نئےانتخابات کا اعلان کیا جائے، صرف ہم ہی نہیں بلکہ مریم نواز سمیت ن لیگ کی قیادت بھی الیکشن کی بات کرتی رہی ہے۔
