پی ٹی آئی سندھ کے صدر اور سابق وفاقی وزیر علی زیدی نے سوال کیا ہے کہ امپورٹڈ حکومت کے وزرا اور مشیران ومعاونین خصوصی کے کتنے اثاثے ہیں؟
پاکستان تحریک انصاف سندھ کے صدر اور سابق وفاقی وزیر علی زیدی نے اپنے ایک بیان اور سماجی رابطوں کی ویب سائٹ ٹوئٹر پر اراکین کابینہ کے اثاثوں کے حوالے سے اظہار خیال کیا ہے۔
علی زیدی نے اپنے ٹوئٹ میں کہا کہ میڈیا میں کچھ لوگ عمران خان کی کابینہ پر اثاثے ظاہر کرنے پر زور دیتے رہے، ہماری پوری کابینہ نے اپنے اثاثے آن لائن ظاہر کیے۔
پی ٹی آئی رہنما نے مزید لکھا کہ کیا یہ لوگ کرائم منسٹرشہباز شریف کی کابینہ کیلیے وہی ہارڈ اسٹک استعمال کریں گے، کیا ان بدمعاشوں کے لیے شفافیت کے کسی اور پیمانے کا معاہدہ ہوا ہے۔
میڈیا میں وہ لوگ جو @ImranKhanPTI کی کابینہ کے ارکان سے ہمارے اثاثے آن لائن ظاہر کرنے کے لیے کہہ رہے تھے، جو ہم سب نے کیے، کرایم منسٹر شہباز کی کابینہ کے لیے وہی یارڈ اسٹک استعمال کریں گے؟
کیا ان بدمعاشوں کے لیے شفافیت کے کسی اور پیمانے پر معاہدہ ہوا ہے؟#نیچے_اترو_کرسی_سے
— Ali Haider Zaidi (@AliHZaidiPTI) June 8, 2022
سابق وفاقی وزیر نے اپنے بیان میں اسی حوالے سے مزید کہا کہ امپورٹڈ حکومت کے وزرا، مشیر اور معاونین خصوصی کے کتنے اثاثےہیں؟ کتنے مشیران ومعاونین خصوصی کے پاس دہری شہریت ہے؟ کیا ان چور اور لٹیروں کے لیے شفافیت کو جانچنے کے پیمانے الگ ہیں؟