سندھ میں اپوزیشن لیڈر کے لیے حلیم عادل شیخ کے نام پر پی ٹی آئی ارکان کے تحفظات -
The news is by your side.

Advertisement

سندھ میں اپوزیشن لیڈر کے لیے حلیم عادل شیخ کے نام پر پی ٹی آئی ارکان کے تحفظات

کراچی: سندھ اسمبلی میں اپوزیشن نے وزیرِ اعلیٰ کے لیے مشترکہ امیدوار لانے کا فیصلہ کر لیا، دوسری طرف اپوزیشن لیڈر کے لیے حلیم عادل شیخ کے نام پر تحریکِ انصاف کے ایم پی ایز نے تحفظات کا اظہار کر دیا ہے۔

تفصیلات کے مطابق وزیرِ اعلیٰ سندھ کے عہدے کے لیے اپوزیشن الائنس کا امیدوار پاکستان تحریکِ انصاف سے ہو سکتا ہے، جس کے لیے نو منتخب رکن اسمبلی حلیم عادل شیخ کا نام سامنے آیا تھا۔

ذرائع کا کہنا ہے کہ اپوزيشن لیڈر سندھ اسمبلی کے معاملے پر تحریکِ انصاف میں اختلافات پیدا ہوگئے ہیں، پی ٹی آئی ایم پی ایز کو حلیم عادل شیخ کا نام بہ طور اپوزیشن لیڈر منظور نہیں۔

ذرائع نے کہا کہ تحریکِ انصاف سندھ کے ایم پی ایز نے عمران خان کو خط لکھنے کا فیصلہ کر لیا ہے، خط میں حلیم عادل شیخ کا نام واپس لینے کی درخواست کی جائے گی۔

ذرائع کے مطابق اپوزیشن سندھ اسمبلی میں اسپیکر اور ڈپٹی اسپیکر کے لیے مشترکہ امیدوارلائے گی، اسپیکر ایم کیو ایم سے جب کہ گرینڈ ڈیموکریٹک الائنس سے ڈپٹی اسپیکر کا امیدوار لائے جانے کا امکان ہے۔

پی ٹی آئی وفد کی ایم کیو ایم بہادر آباد دفتر آمد


دریں اثنا نو منتخب رکن سندھ اسمبلی حلیم عادل شیخ نے کہا ہے کہ پیپلز پارٹی کے لیے میدان خالی نہیں چھوڑا جائے گا، سندھ اسمبلی میں مثالی اپوزیشن کا کردار ادا کریں گے۔

حلیم عادل شیخ کا کہنا تھا کہ پی ٹی آئی کی کوشش ہے کہ عہدوں کے لیے اپوزیشن کے مشترکہ امیدوار لائے جائیں۔

Comments

comments

یہ بھی پڑھیں