The news is by your side.

Advertisement

سندھ : کرونا اجلاس میں شرکت کی دعوت نہ ملنے پر پی ٹی آئی برہم

کراچی: پاکستان تحریک انصاف نے وزیراعلیٰ سندھ کی جانب سے طلب کیے جانے والے کرونا اجلاس میں شرکت کی دعوت نہ دینے پر خاموشی توڑ دی۔

اے آر وائی نیوز کے مطابق وزیراعلیٰ ہاؤس میں آج کرونا ٹاسک فورس کا اہم اجلاس ہوگا، جس میں آئندہ پندرہ روز کے لیے سخت لاک ڈاؤن یا سختیاں مزید بڑھانے پر غور کیا جائے گا۔

سندھ حکومت نے کل ہونے والے اجلاس میں شرکت کے لیے اپوزیشن جماعت کو مدعو نہیں کیا، جس پر پی ٹی آئی سندھ نے اپنا مؤقف جاری کردیا۔

پاکستان تحریک انصاف سندھ کے پارلیمانی لیڈر بلال غفار نے اپنے بیان میں کہا کہ ’سندھ حکومت نے اجلاس میں شرکت کے لیے اپوزیشن لیڈر کو مدعو نہیں کیا، یہ عہدہ آئینی ہے مگر پی پی حکومت دشمنی کررہی ہے‘۔

مزید پڑھیں: سندھ میں ممکنہ مکمل لاک ڈاؤن پر اسد عمر کا بیان آگیا

یہ بھی پڑھیں: کراچی: تاجروں کے اہم مطالبات پر یقین دہانیاں

اسے بھی پڑھیں:  سندھ میں کورونا کی شرح میں مسلسل اضافہ، ’10 سے15 دن کیلئے سخت فیصلے کرنے کی ضرورت’

بلال غفار نے کہا کہ ’اجلاس میں حلیم عادل شیخ کو مدعونہ کرنا پی پی کی غیرجمہوری سوچ کی عکاسی ہے، سندھ حکومت غیرآئینی اور غیرسیاسی قدم میں ہمیشہ آگے ہوتی ہے، وہ ذاتی بغض میں آئینی عہدےکی توہین کررہی ہے‘۔

اُن کا مزید کہنا تھا کہ ’سندھ حکومت اپوزیشن کو دیوار سے لگانےکی کوشش کررہی ہے، اس معاملے پر ہم اپنا بھرپور احتجاج ریکارڈ کرائیں گے‘۔

Comments

یہ بھی پڑھیں