The news is by your side.

Advertisement

ڈان لیکس کا معاملہ ، پی ٹی آئی نے قومی اسمبلی میں تحریک التوا جمع کرادی

اسلام آباد : پاکستان تحریک انصاف نے ڈان لیکس کے معاملے پر قومی اسمبلی میں تحریک التواءجمع کرادی ۔

تفصیلات کے مطابق پاکستان تحریک انصاف نے ڈان لیکس کے معاملہ حل ہونے پر قومی اسمبلی میں تحریک التواء جمع کرادی، تحریک التوا رکن قومی اسمبلی شیریں مزاری اوراسد عمر نے  جمع کرائی، تحریک التوا میں تحریک انصاف نے مطالبہ کیا ہے کہ انکوائری رپورٹ پارلیمنٹ کے سامنے پیش کی جائے، قومی سلامتی کا معاملہ  ہر پاکستانی کا  معاملہ ہے ، وزیرداخلہ اور کورکمانڈرز کانفرنس میں بھی اس بات پراتفاق کیا گیا، معاملے کے مبینہ حل نے کئی سوالات کو جنم دیا ہے۔

تحریک التواءمیں کہا گیا ہے کہ یہ جاننا ہر شہری کا حق ہے کہ کس نے کیا نقصان پہنچایا اور اس کیخلاف کیا کارروائی ہوئی ۔

تحریک انصاف کی جانب سے مزید کہا گیا ہے کہ معمول کی کارروائی روک کر ڈان لیکس انکوائری رپورٹ پر بحث کی جائے، جاننا چاہتے ہیں قومی سلامتی کے خلاف اقدام اٹھانے والے کون تھے۔

یاد رہے گذشتہ روز ڈان لیکس پر آئی ایس پی آر کی جانب سے رپورٹ کو مکمل قرار دیتے ہوئے اپنا ٹویٹ بھی واپس لیا گیا تھا اور کہا تھا کہ ڈان لیکس سے متعلق 29 اپریل کا  ٹویٹ حکومت، کسی شخصیت یا ادارے کے خلاف نہیں تھا۔


مزید پڑھیں : ڈان لیکس: پاک فوج نے ڈی جی آئی ایس پی آر کا ٹویٹ واپس لے لیا


آئی ایس پی آر کا کہنا تھا کہ پیرا 18 کی منظوری اورعملدرآمد کے بعد ڈان لیکس کا معاملہ حل ہوگیا ہے، پاک فوج جمہوری عمل کی مکمل حمایت کرتی ہے

تاہم سول اور عسکری اداروں کے درمیان معاملہ طے ہونے پر اپوزیشن کی تنقید جاری ہے ۔

خیال رہے کہ حکومت کی جانب سے ڈان لیکس پرایکشن لیتے ہوئے وزیراطلاعات پرویزرشید کو ان کے عہدے سے فارغ کیا گیا تھا جبکہ طارق فاطمی سے بھی ان کی خدمات واپس لے لی گئی ہیں ۔ ڈان کے حوالے سے کارروائی کے لیے سفارشات آل پاکستان نیوز پیپرز سوسائٹی کو بھیج دیے گئے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں