site
stats
پاکستان

عمران خان کی شادی پرمن گھڑت خبریں، پی ٹی آئی کا جنگ گروپ کے خلاف متعلقہ اداروں سے رجوع

اسلام آباد: عمران خان کی تیسری شادی پرمن گھڑت خبر پر پی ٹی آئی نے جنگ گروپ کے خلاف پیمرااورپریس کونسل سےرجوع کرلیا، تحریک انصاف کاکہنا ہے اداروں نے اپنا کام نہ کیا توعدالت سے رجوع کریں گے۔

تفصیلات کے مطابق جنگ گروپ کی عمران خان کی شادی سےمتعلق خبر پر تحریک انصاف نے متعلقہ اداروں سےرجوع کرلیا ہے، پی ٹی آئی نے پیمرا اور پریس کونسل آف پاکستان کو درخواستیں ارسال کردی ہے۔

درخواستوں میں کہا گیا ہے کہ عمران خان کے خلاف غیراخلاقی پروپیگنڈہ مہم چلائی جارہی ہے، عمران خان شادی سےمتعلق واضح اورغیر مبہم مؤقف پیش کرچکے ہیں۔

پی ٹی آئی کی جانب سے کہا گیا کہ مانیکا خاندان کے افراد بھی سازش کا پردہ چاک کرچکے ہیں، پیمرا فوری طور پر جیو کی جانب سے جاری مہم رکوائے، پریس کونسل جنگ اور دی نیوزسے جواب طلب کرے۔

پی ٹی آئی نے متنبہ کیا کہ اداروں نےاپنا کام نہ کیاتوعدالت سےرجوع کریں گے۔ کرپشن اور ضمیرفروشی کےگٹھ جوڑکاہرسطح پرمقابلہ کریں گے۔


 مزید پڑھیں :  عمران خان کی شادی‘ تحریک انصاف کا وضاحتی بیان جاری


یاد رہے اس سے قبل ترجمان پاکستان تحریک انصاف نے جنگ گروپ کےعمر چیمہ کی قیاس آرائیوں پر مبنی خبر کو افسوس ناک قرار دیا تھا اور کہا تھا کہ عمران خان کی نجی زندگی سے متعلق خبرنہایت بدقسمتی ہے۔

وضاحتی بیان میں کہا گیا تھا کہ کہ جنگ گروپ کےعمرچیمہ نےعمران خان کی شادی کی غلط خبردی، عمران خان کی ذاتی زندگی سے متعلق من گھڑت خبردی گئی، خبرمیں ایک ایسی خاتون کوبھی گھسیٹا گیا جو کسی طورعوامی نہیں ہے، غیر ذمہ دارانہ حرکت سےعمران خان ،بشریٰ مانیکا کے بچوں پرناروا دباؤ آیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top