آصف علی زرداری کی نااہلی کے لیے سپریم کورٹ میں درخواست دائر -
The news is by your side.

Advertisement

آصف علی زرداری کی نااہلی کے لیے سپریم کورٹ میں درخواست دائر

اسلام آباد : پاکستان تحریک انصاف نے سابق صدرآصف علی زرداری کی نااہلی کے لیے سپریم کورٹ میں درخواست دائر کردی۔

تفصیلات کے مطابق پاکستان تحریک انصاف کے رہنما عثمان ڈار نے آصف علی زرداری کی نا اہلی کے لیے سپریم کورٹ میں درخواست دائر کی۔

عدالت عظمیٰ میں دائر کی گئی درخواست میں موقف اختیار کیا گیا ہے کہ آصف علی زرداری نے 2018 کے کاغذات نامزدگی میں غلط بیانی کی، انہوں نے نے فارم اے اورفارم بی میں غلط بیانیاں کی ہیں۔

درخواست گزار کے مطابق آصف زرداری رکن قومی اسمبلی بننے کے بھی اہل نہیں ہیں، آرٹیکل 62 ون ایف کے تحت نااہل قرار دیا جائے، آرٹیکل 63 اے کے تحت پارٹی صدارت کے لیے بھی نااہل قرار دیا جائے۔

درخواست میں موقف اختیار کیا گیا ہے کہ چھپائے گئے اثاثوں کی مالیت 14 کروڑ 37 لاکھ بنتی ہے۔

خرم شیرزمان نے آصف زرداری کے خلاف درخواست واپس لے لی

یاد رہے کہ رواں ماہ 10 جنوری کو تحریک انصاف کے رکن سندھ اسمبلی خرم شیرزمان نے پیپلزپارٹی کے شریک چیئرمین آصف علی زرداری کی نا اہلی کے لیے الیکشن کمیشن میں دائر درخواست واپس لے لی تھی۔

خرم شیرزمان کا کہنا تھا کہ آصف علی زرداری کے خلاف سپریم کورٹ میں پٹیشن دائرکریں گے، سندھ کے لوگ تیارہوجائیں آصف زرداری کی وکٹ اڑنے والی ہے۔

واضح رہے کہ گزشتہ دنوں وفاقی وزیر علی زیدی نے سماجی رابطے کی ویب سائٹ ٹویٹر پر آصف علی زرداری کی امریکا میں موجود مبینہ جائیدادوں کی دستاویزات کی تصاویر بھی شیئرکی تھی۔

واضح رہے کہ آصف علی زرداری 25 جولائی 2018 کو ہونے والے عام انتخابات میں این اے 213 نواب شاہ سے ممبر قومی اسمبلی منتخب ہوئے تھے۔

Comments

comments

یہ بھی پڑھیں