The news is by your side.

Advertisement

حکومت کے خاتمے کے بعد تحریک انصاف کا پہلا جلسہ آج پشاور میں ہوگا

پشاور : حکومت کے خاتمے کے بعد پاکستان تحریک انصاف کا پہلا جلسہ آج پشاور میں ہوگا ، عمران خان جلسے سے خطاب کریں گے۔

تفصیلات کے مطابق حکومت کے خاتمے کے بعد تحریک انصاف آج سے عوامی رابطہ مہم کا آغاز کرے گی ، پہلا جلسہ آج رات پشاور میں ہوگا، سابق وزیراعظم عمران خان خطاب کریں گے۔

جلسے کے لیے پنڈال کی تیاری زورشور سے جاری ہے، پنڈال میں پارٹی پرچموں کی بہار ہے جبکہ جلسہ گاہ کے اطراف ایک ہزار سیکیورٹی اہلکار تعینات ہوں گے۔

یاد رہے پاکستان تحریک انصاف کے چیئرمین سابق وزیر اعظم عمران خان نے پشاور سے رابطہ مہم شروع کرنے کا اعلان کیا تھا۔

عمران خان کا پیغام میں کہنا تھا کہ پشاور کے لوگو، آپ کے پاس آرہا ہوں اور امپورٹڈ حکومت قوم پر مسلط ہونے کے بعد پہلا جلسہ کررہا ہوں۔

عمران خان کا کہنا تھا کہ جلسے میں پیغام دوں گا کہ اپنی آزادی اور جمہوریت کی حفاظت قوم کرتی ہے، جمہوریت اور اپنی آزادی کی حفاظت کوئی فوج اور باہرکی قوت نہیں کرسکتی۔

چیئرمین پی ٹی آئی نے کہا تھا کہ سب نے ملکر تحریک چلانی ہے کہ فوری ملک میں الیکشن کرائے جائیں۔

Comments

یہ بھی پڑھیں