The news is by your side.

تحریک انصاف آج رحیم یارخان میں سیاسی قوت کا مظاہرہ کرے گی

اسلام آباد : تحریک انصاف آج رحیم یارخان میں سیاسی قوت کامظاہرہ کرے گی ، عمران خان جلسے سے خطاب کریں گے۔

تفصیلات کے مطابق تحریک انصاف کا پاورشوآج رحیم یار خان میں ہوگا، رحیم یارخان کے خواجہ فرید کالج کےگراونڈ میں پاکستان تحریک انصاف کے جلسے کی تیاریاں عروج پر ہیں۔

عمران خان جلسہ کے شرکا سے خطاب کریں گے اور تحریک کے حتمی لائحہ عمل کااعلان کریں گے۔

عمران خان کا خطاب دیکھانے کے لئیے شہرشہر اسکرینزلگائی جائیں گی تاکہ عمران خان کے چاہنے والےاپنے قائد کاخطاب مقررکردہ مقامات پرسن سکیں اوریکجہتی کا اظہارکرسکیں۔

رحیم یار خان کے تیرہ اضلاع میں بڑی سکرینزلگیں گی، کراچی والے یونیورسٹی روڈ پر منگل بازار کے میدان میں لگی اسکرین پرعمران خان کالائیو خطاب سن سکیں گے۔

اسی طرح اسلام ٓباد کے ایف نائن پارک اور راولپنڈی لال حویلی میں بڑی اسکرین کا اہتمام ہے جبکہ لاہورکے لبرٹی چوک اورفیصل آباد میں کوہ نور پلازہ کے سامنے بڑی سکرین لگائی جائے گی۔

چنگی ملتان،جھنگ فوارہ چوک اورسیالکوٹ میں پیرس روڈ پربڑی اسکرین لگائی جا رہی ہیں۔۔جبکہ کوئٹہ میں شہباز ٹاون صوبائی سیکرٹریٹ پراسکرین لگانےکا اہتمام کیا جارہا ہے۔

Comments

یہ بھی پڑھیں