تازہ ترین

حقیقی آزادی جلسہ، پی ٹی آئی آج ہاکی اسٹیڈیم میں میدان سجائے گی

پاکستان تحریک انصاف آج لاہورمیں سیاسی طاقت کا مظاہرہ کرے گی، جس کی تمام تیاریاں مکمل کرلی گئیں ہیں۔

تفصیلات کے مطابق پی ٹی آئی آج جشن آزادی کی مناسبت سے لاہور کے ہاکی اسٹیڈیم میں پاور شو کرنے جارہی ہے، تقریب سے عمران خان خصوصی خطاب کرینگے۔

پی ٹی آئی کے پاور شو کو ‘حقیقی آزادی جلسہ’ کا نام دیا گیا ہے، لاہور شہر میں جلسے کے حوالے سے نہایت جوش
وخروش پایا جاتا ہے۔

جلسے کے لئے ہاکی اسٹیڈیم میں بینرز آویزاں کئے گئے ہیں جس میں پارٹی قیادت کے لئے خیر مقدمی کلمات درج ہیں۔

اسٹیڈیم میں چالیس ہزار سے زائد افراد کے بیٹھنے کی جگہ بنائی گئی ہے۔

گزشتہ روز عمران خان نے خود جلسہ گاہ کا دورہ کیا تھا۔

ڈی آئی جی آپریشنز افضال احمد کوثر کا کہنا ہے کہ جلسے کے شرکاء کی سیکیورٹی پر پندرہ سو سے زائد اہلکار ڈیوٹی پر مامور ہوں گے۔

ڈی آئی جی کے مطابق موٹر سائیکل و گاڑیوں کو مناسب فاصلہ پر پارک کروایا جائے گا۔

انہوں نے مزید کہا کہ ڈولفن اسکواڈ کی ٹیمیں بھی ہاکی اسٹیڈیم کے اطراف موثر گشت یقینی بنائیں گی۔

Comments

- Advertisement -