اسلام آباد : وفاقی وزیر سائنس اینڈ ٹیکنالوجی فواد چوہدری نے دعویٰ کیا ہے کہ تحریک انصاف سینٹ کے انتخابات میں 28 سے 30 نشستیں حاصل کر کے سینٹ کی سب سے بڑی جماعت ہو گی
تفصیلات کے مطابق وفاقی وزیر سائنس اینڈ ٹیکنالوجی فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا ہے کہ پی ٹی آئی سینیٹ میں 28 سے 30 نشستیں حاصل کرے گی، پی ٹی آئی سینیٹ کی سب سے بڑی جماعت ہو گی۔
فواد چوہدری کا کہنا تھا کہ ن لیگ،پی پی کی نابالغ قیادت کواحساس ہو گا کہ تیل کس بھاؤ ہے، جلسوں،بیانات اوراستعفوں کےبعدلانگ مارچ خالی شارٹ واک رہ جائےگا، امید ہے ان جماعتوں کے اراکین اب نئی قیادت لائیں گے۔
تحریک انصاف سینٹ کے انتخابات میں 28 سے 30 نشستیں حاصل کر کے سینٹ کی سب سے بڑی جماعت ہو گی،نون لیگ اور پیپلز پارٹی کی نابالغ قیادت کو احساس ہو گا کہ تیل کس بھاؤ ہے، جلسوں بیانات اور استعفوں کے بعد لانگ مارچ خالی شارٹ واک رہ جائے گا، امید ہے ان جماعتوں کے اراکین اب نئ قیادت لائیں گے
— Ch Fawad Hussain (@fawadchaudhry) February 18, 2021
خیال رہے چاروں صوبوں میں امیدواروں کے کاغذات نامزدگی کی جانچ کا عمل شام کو مکمل ہوگا جبکہ سینیٹ انتخابات کے لیے 3 مارچ کوچاروں صوبائی اور قومی اسمبلی میں پولنگ ہوگی ،پولنگ کا عمل صبح 9 سے لے کر شام 5 تک جاری رہے گا۔
