The news is by your side.

تحریک انصاف نے اسلام آباد میں جلسے کی اجازت کیلئے درخواست واپس لے لی

اسلام آباد : تحریک انصاف نے اسلام آباد میں جلسے اور دھرنے کی اجازت سے متعلق درخواست واپس لے لی۔

تفصیلات کے مطابق تحریک انصاف نے اسلام آباد میں جلسے اور دھرنے کی اجازت کیلئے این او سی جاری کرنے کی درخواست واپس لے لی۔

تحریک انصاف کے وکیل نے دوران سماعت درخواست واپس لینے کی استدعا کی ، چیف جسٹس اسلام آباد ہائیکورٹ عامرفاروق نے درخواست لینے کی استدعا منظور کرلی۔

دوسری جانب اسلام آباد ہائی کورٹ نےلانگ مارچ کی مخالفت اورتاجروں کی درخواست پر سماعت کی۔

چیف جسٹس عامر فاروق اپنے ریمارکس میں کہاکہ دھرنے سے متعلق سپریم کورٹ اور اسلام آباد ہائیکورٹ کا فیصلہ موجود ہے،اگر راولپنڈی میں کچھ ہوتا تو بھی اسلام آباد آنے والوں کو دشواری ہوسکتی ہے۔

چیف جسٹس اسلام آباد ہائی کورٹ کا کہنا تھا کہ کنٹینرز لگانا کوئی مسئلے کا حل نہیں، انتظامیہ کوئی جدید طریقہ اپنائے،ریاست کے سامنے کوئی کھڑا نہیں ہوسکتا۔

Comments

یہ بھی پڑھیں