پنجاب میں سینیٹ کی 2 نشستوں پر تحریک انصاف کامیاب، مسلم لیگ ن کو شکست
The news is by your side.

Advertisement

پنجاب میں سینیٹ کی 2 نشستوں پر تحریک انصاف کامیاب، مسلم لیگ ن کو شکست

لاہور: پنجاب میں سینیٹ کی دو نشستوں پر تحریک انصاف نے کامیابی حاصل کرلی، مسلم لیگ ن کو شکست کا سامنا کرنا پڑا۔

تفصیلات کے مطابق پنجاب میں سینیٹ کی نشست پر ہونے والے انتخاب میں پی ٹی آئی کے ولید اقبال نے مسلم لیگ ن کے سعود مجید کو شکست دے کر جنرل نشست جیت لی، جہانگیر ترین کی بہن سیمی ایزدی نے سائرہ افضل تارڑ کو شکست دے دی۔

علامہ اقبال کے پوتے اور پی ٹی آئی کے امیدوار ولید اقبال پی ٹی آئی سینیٹر منتخب ہوگئے، تحریک انصاف کے ولید اقبال کو 184 اور مسلم لیگ ن کے سعود مجید کو 176 ووٹ ملے۔

جہانگیر ترین کی بہن سیمی ایزدی نے سائرہ افضل تارڑ کو شکست دے دی، سیمی ایزدی کو 183 اور سائرہ افضل تارڑ کو 175 ووٹ ملے۔

جنرل نشست پر 7 اور خواتین نشست پر 9 ووٹ مسترد ہوئے، سینیٹ کی دونوں نشستوں کے لیے کل ووٹ 767 کاسٹ ہوئے۔

مزید پڑھیں: جہانگیرترین کی ہمشیرہ خواتین نشست پرسینیٹ الیکشن میں حصہ لیں گی

خیال رہے سپریم کورٹ نے سعدیہ عباسی کی رکنیت کالعدم قرار دیتے ہوئے موقف اختیار کیا تھا کہ سعدیہ عباسی کاغذات جمع کراتے وقت دہری شہریت کے حامل تھی اورسعدیہ عباسی اورہارون اختر کی نااہلی کے باعث نشستیں خالی ہوئی تھیں۔

Comments

comments

یہ بھی پڑھیں