اسلام آباد : حکومت نے پی ٹی آئی رہنما عون چوہدری کو وزیراعلیٰ پنجاب کا مشیر مقرر کردیا، عون چوہدری کا کہنا ہے اعتماد کرنے پر وزیراعظم عمران خان اور پارٹی کا مشکور ہوں۔
تفصیلات کے مطابق پاکستان تحریک انصاف کے رہنما عون چوہدری کو وزیراعلیٰ پنجاب عثمان بزدار کا مشیر مقرر کردیا گیا، عون چوہدری وزیراعلیٰ کے سیاسی معاملات دیکھیں گے۔
پنجاب حکومت نے عون چوہدری کی وزیراعلیٰ پنجاب کے مشیر کی تقرری کا نوٹیفکیشن جاری کردیا۔
مشیر مقرر کئے جانے کے بعد پی ٹی آئی رہنما عون چوہدری نے سماجی رابطے کی ویب سائٹ ٹوئٹر پر اپنے پیغام میں اعتماد کرنے پر وزیراعظم عمران خان اور پارٹی کا شکریہ اداکرتے ہوئے کہا میری زندگی اور خدمات پاکستان کیلئے وقف ہیں۔
عون چوہدری نے نئی ذمہ داری نیک نیتی اوردیانت داری سے سرانجام دینے کے عزم کا بھی اظہار کیا۔
I want to thank my Prime Minister Imran Khan and my party for their continued trust in me. My life and services are all devoted for Pakistan and I pledge to do my best in this new position with sincerity and honesty. Truly humbled and honoured by this appointment!
— Awn Chaudry (@AwnChaudry) September 11, 2018
یاد رہے گذشتہ ماہ ذرائع کا کہنا تھا وزیر اعظم عمران خان نے عون چوہدری کو پنجاب میں اہم ذمہ داریاں دینے کا فیصلہ کرلیا، شمالی اور وسطی پنجاب کے پی ٹی آئی ارکان کو کابینہ میں زیادہ نمائندگی ملے گی۔+
مزید پڑھیں : وزیراعظم کا عون چوہدری کو پنجاب میں اہم ذمہ داریاں دینے کا فیصلہ
اس سلسے میں عمران خان سے پی ٹی آئی رہنما عون چوہدری کی ملاقات بھی ہوئی تھی، جس میں سیاسی صورتحال اور حکومت سازی پر تبادلہ خیال کیا گیا تھا۔