فیصل آباد: رائیونڈ مارچ سے قبل ن لیگ نے ڈنڈا فورس تیار کی تو جواب میں پی ٹی آئی کی خواتین نے بلا فورس تیار کرلی ہے مارچ کے حوالے سے دونوں جانب تیاریاں عروج پر پہنچ ہیں۔
رائیونڈ مارچ روکنے اور کرنے کی تیاریاں جاری ہیں مارچ کو روکنے کے لئے ن لیگ کی ڈنڈا اور انڈا بردار فورس تیار ہوگئی، جواب میں تحریک انصاف کے کھلاڑیوں نے بلے اٹھالئے اور بلا فورس تیار کرلی۔
فیصل آباد میں لیگی کارکنان سے نمٹنے کیلئے پاکستان تحریک انصاف کی خواتین نے بلا فورس تیار کرلی ہے جو رائے ونڈ مارچ کے دوران آنے والے کو منہ توڑ جواب دینگی۔
PTI’s "Balla Force” ready for Raiwind March by arynews
ملتان میں شیر کے متوالوں نے رائیونڈ مارچ کے خلاف کچہری چوک پر احتجاج کیا اور گوعمران گو کے نعرے لگائے، جبکہ ملتان میں ہی پی ٹی آئی کے کارکنان نے بلے اور ڈنڈے تھام لیے ہیں۔
کراچی میں پی ٹی آئی کے کفن پوش دستے نے ن لیگیوں کو چوڑیاں پہنانے کا عزم کرلیا، تیس ستمبر کس کے لئے ستمگر ثابت ہوگا اس بات کا فیصلہ تو آنے والا وقت ہی کرے گا لیکن فی الحال دونوں جانب سے تیاریاں بھرپور ہیں۔
